Први фотки од Пи Диди во затвор – со побелена брада, се смее со други затвореници

Детали

понеделник, 03 ноември 2025

Јавноста не го видела Пи Диди од септември минатата година, но сега се појавија првите фотки од него од затворот. Иако на дел од нив изгледа расположено, негов пријател тврди дека воопшто не му било лесно во затворот и добивал закани по живот.

Од неговото апсење во септември минатата година, никој го нема видено Пи Диди, освен оние кои беа дел од судењето и, секако, вработените и затворениците во затворот каде што се наоѓа.

Но, сега се појавија први фотки од 55-годишниот музичар и продуцент, направени во затворот.

Иако фотографиите се матни, јасно е дека Диди има побелена брада, додека косата ја крие со црвено капче.

Набрзо потоа се појавија и други фотки, на кои се чини дека Диди ужива во времето со другите затвореници.

Музичарот беше фотографиран со група мажи во дворот на затворот со кои разговараше и се смееше.

И овој пат фотографиите се матни, но му се познава белата брада, додека косата повторно му е скриена со капа.

Минатиот месец, Пи Диди доби затворска казна во траење од четири години, откако беше прогласен за виновен за две обвиненија.

Исто така, треба да плати парична казна од половина милион долари, како и да се вклучи во програми за проблеми со менталното здравје и зависност од супстанции.

Додека јавноста реагираше бурно за малата казна што ја доби, негов пријател тврди дека на музичарот воопшто не му е лесно во затворот.

Минатата недела, тој тврдеше дека имало ситуација кога Диди се разбудил со „нож на неговото грло“.

„Не знам дали се одбранил самиот или дошле чуварите. Само знам дека му се случило тоа“.

Наводно напаѓачот немал намера да го повреди Диди, туку само сакал да му се закани.

„Ако сакал да го повреди, Диди сигурно ќе беше повреден. Доволно би му била само една секунда за да го убие со ножот“.

Други извори откриваат дека Диди нашол и работа – во пералната на затворот.

Спирова С. | Црнобело