Соработник на Диди за неговата мрачна страна: „Не чувствува емоции, веќе планира турнеја за кога ќе го ослободат“

Детали

понеделник, 06 октомври 2025

И покрај потресните сведоштва, Пи Диди доби само четири години зад решетки. Сега, неговиот поранешен публицист вели дека тој е личност без емоции и кога ќе излезе од затвор, брзо ќе се врати на нозе, па дури и ќе си ја спаси кариерата.

Шон Комбс, попознат како Пи Диди, минатата недела беше осуден на 4-годишна затворска казна за обвиненијата поврзани со проституција.

55-годишниот музичар и продуцент беше обвинет и за рекетирање и трговија со луѓе, поточно секс трафикинг.

И покрај потресното сведочење на неговата поранешна девојка Кеси Вентура, но и вознемирувачкото видео на кое се гледа како ја тепа, за насилството, раперот доби само парична казна од 500.000 долари.

Бидејќи Диди веќе помина 13 месеци во затвор, се очекува да биде ослободен во ноември 2028 година.

Пред да се изрече пресудата, Кеси изјави дека е исплашена за својата безбедност во случај Диди да биде ослободен.

„Се плашам дека ако го ослободат, првото нешто што ќе направи ќе биде да ми се одзади мене и на сите кои зборуваа (на судењето)“.

По пресудата, се огласи нејзиниот адвокат кој истакна дека ништо не може да ја промени траумата низ којашто поминала Кеси, но и другите жртви на раперот.

„Иако ништо не може да ја поправи траумата предизвикана од Шон Комбс, казната го покажува влијанието на сериозните злодела што ги направи.

Уверени сме дека со поддршка од семејството и пријателите, Кеси Вентура ќе продолжи да закрепнува, знаејќи дека нејзината храброст беше инспирација за многумина“.

Вчера, пак, се огласи и поранешниот публицист на Диди – Роб Шутер – кој смета дека откако ќе излезе од затвор, раперот брзо ќе се врати на нозе.

Тој зборува и за мрачната страна на Диди што почнал да ја забележува кога соработувале.

„Имаше мрачна страна. Беше со променливо расположение, беше гневен, беше нетрпелив, беше насилен…

Како што минуваше времето и неговата моќ и слава се зголемуваа, ова се влошуваше“.

Роб Шутер вели дека славата што ја стекнал Диди само го истакнала неговото вистинско лице.

Сепак, тој додава дека го видел „чудовиштето во него“ дури откако почнало судењето.

„Кога Кеси поднесе тужба, прво помислив дека само сака да земе пари од него. Но, кога ја изгледав снимката (каде што ја тепа), си го променив мислењето. Сега се чувствувам глупаво…“

Според публицистот, Диди отсекогаш бил желен за внимание, а целиот случај му го даде токму тоа. Притоа, тој смета дека Диди не само што ќе излезе од затвор, туку и брзо ќе успее да се врати на нозе.

„Тој знае не само како да го подобри договорот, туку и како да стане неговиот центар. Навистина е способен. Диди е гениј за маркетинг.

Нема да престане и ќе повторно ќе настапува. Веќе слушам и гласини дека планира турнеи. Ќе сними и документарец, ќе го претвори целиот случај во филм“.

За крај, публицистот вели дека Диди е личност без емоции.

„Како да не ги чувствува емоциите што ги чувствуваме ние другите. Го нема срамот што го чувствуваме ние, па ќе најде начин да јас сврти целата ситуација во своја корист“.

Прочитајте повеќе: „Ми кажуваше што да правам со Кеси, додека тој нè гледаше и се допираше“: Нови сведоштва на судењето на Пи Диди

Спирова С. | Црнобело