Реакции за „мртвата“ публика на концертот на Мадона и Сабрина Карпентер – сите снимаат со телефон, никој не танцува (видео)

Детали

среда, 22 април 2026

„Дали е забрането да се танцува на Coachella?“ – гласи еден од многуте коментари за публиката на настапот на Мадона и Сабрина Карпентер. Додека пејачките ги изведуваа Vogue и Like a Prayer со цел хор на бината, публиката беше неподвижна и сите само снимаа со телефоните.

На вториот викенд на музичкиот фестивал Coachella, Сабрина Карпентер и Мадона имаа заеднички настап.

Појавувањето на Мадона не беше најавено и беше изненадување.

Пејачките ги изведоа добропознатите хитови Vogue и Like a Prayer на Мадона, па за присутните, ова сигурно бил момент за памтење.

Но, покрај настапот и фактот дека Мадона изгледа одлично и е во топ форма во седмата деценија од животот, доста внимание привлече и самата публика.

На концерт, особено кога на сцената е светска ѕвезда како Мадона, би помислиле дека публиката ќе танцува и ќе пее на цел глас.

Публиката на Coachella беше целосна спротивност на ова – сите го снимаа настапот на пејачките, никој не пееше и никој не се ни движеше.

На видеата од концертот, атмосферата во публиката изгледа дури депресивно.

Додека ја пееја Like a Prayer, на сцената застана хор кој ракоплескаше, а на кој му се придружи и Мадона.

Ова е момент што обично би ја натерал и публиката да ракоплеска, но буквално сите само продолжија да снимаат.

На социјалните мрежи веќе се дебатира за енергијата на публиката и повеќето се согласуваат дека иако секој може да ужива во концерт на свој начин, она што се случило на Coachella е разочарување.

„Публиката не го заслужи овој момент“.

„Телефоните и здрвената публика изгледаат страшно“.

„Залудно потрошена изведба на ’мртва‘ публика“.

„Дали е забрането да се танцува на Coachella?“

„Може ли да го забраниме користењето телефони за време на концерти?“

„Зошто е публиката толку мртва?“

„Никој не танцува или ужива во концертот, само снимаат. Колку е тажно“.

„Интернетот и телефоните уништија сè“.

Погледнете го видеото во продолжение:

@entertainmenttonight

Sabrina Carpenter helped welcome Madonna back to Coachella after 20 years, with the pair performing "Like a Prayer" together. The last time the Queen of Pop appeared on the musical festival's lineup was on April 30, 2006. (🎥: YouTube / Coachella) #sabrinacarpenter #coachella

♬ original sound - Entertainment Tonight - Entertainment Tonight

Што мислите вие? Дали е погрешно што снимањето на концертите стана норма и луѓето веќе не знаат да уживаат?

Спирова С. | Црнобело