Му ја лансира кариерата на Бред Пит, па го заведе: Бурниот љубовен живот на една од најпознатите актерки од 1990-тите

Детали

сабота, 04 јули 2026

Првиот брак ѝ се растури откако стана славна, а третиот сопруг доби дете со нејзината лична асистентка. Актерката Џина Дејвис зад себе има четири пропаднати бракови, но и кратка романса со Бред Пит во периодот кога му помогна да се прослави.

Џина Дејвис е една од актерките што ги одбележаа 1990-тите, но и доцните 1980-ти.

Stuart Little, Thelma & Louise и Beetlejuice се само дел од популарните филмови во кои имаше главна улога.

Актерката уште е активна и периодов е актуелна со серијата The Boroughs, а и во осмата деценија од животот, Џина изгледа предобро.

Но, покрај талентот и убавината, доста внимание привлекуваше и љубовниот живот на Џина.

По разводот од четвртиот сопруг во 2021-ва, Џина моментално е сингл, а вели дека никогаш повеќе не планира да стапи во брак.

Во 1990-тите, пак, ја поврзуваа со Бред Пит.

Thelma & Louise од 1991-ва е филмот што на Бред му ги отвори вратите во Холивуд, а токму Џина била заслужна за да ја добие улогата.

Дотогаш, таа веќе беше етаблирана актерка, а самата го избрала Бред улогата во филмот. И, на некој начин, му помогна да си ја лансира кариерата.

Се шпекулира дека по премиерата на филмот, имале кратка врска, но двајцата немаат коментирано за ова.

Сепак, и три децении подоцна, јасно е дека се почитуваат еден со друг.

Низ годините Џина имала низа врски со славни мажи, а четирипати беше во брак.

Детали за четирите бракови (и разводи) на Џина Дејвис:

Првпат се венча со Ричард Емоло

Во 1978 година, Џина почна да се гледа со Ричард Емоло – сопственик на ресторан од Њујорк, од кого нема фотографија достапна во јавност.

Тие се венчаа во 1981-ва, околу една година по актерското деби на Џина во филмот Tootsie.

Но, Џина се прослави практично преку ноќ, а ова се одразило лошо на нејзиниот брак.

Животите на Џина и Ричард тргнале во различни насоки, па решиле да се разделат.

Во 1983 година тие се разделија, а следната година го финализираа разводот.

Сепак, останаа во добар однос и низ годините Џина неколкупати има кажувано убави работи за него.

Беше во брак и со Џеф Голдблум

Во 1985 година, Џина Дејвис работеше на филмот Transylvania 6-5000 со Џеф Голдблум и овој период почнаа врска.

Потоа соработуваа уште на два филма и во 1987 година стапија во брак.

Но, ни овој брак не потраја многу – разводот го финализираа по околу четири години.

Во неодамнешно интервју, Џина се присети на бракот со Џеф и откри дека се во добри односи:

„Нашата врска беше радосна. Навистина. Тоа беше волшебно поглавје од мојот живот“.

Во 2024-та, пак, актерите заедно застанаа на сцената на доделувањето на SAG наградите.

Третиот сопруг ја изневери

На почетокот од 1993 година, Џина го запозна режисерот Рени Харлин, почнаа врска и се венчаа по само пет месеци.

Но, тие се соочуваа со финансиски проблеми, а имаа и две соработки кои лошо се одразија на нивниот брак.

Џина се појави во два филма на режисерот од 1995 и 1996 година, а и двата се соочија со ужасни критики и многу ниска заработка.

Филмовите беа толку лоши, што Џина одлучи да направи мала пауза од актерската кариера.

Додека се справуваше со поразот од филмовите, Џина се соочи со уште еден проблем – нејзината лична асистентка забременила од режисерот и во 1997-ма роди негово дете.

Следниот ден откако дознала за детето, Џина поднела барање за развод.

Четвртиот брак траеше најдолго

Кратко по третиот развод, Џина почна врска со пластичниот хирург Реза Џарахи.

Направија свадба во 2011 година, а набрзо потоа добија и три деца – ќерка и синови близнаци.

Џина и Реза беа во брак речиси две децении, кога пластичниот хирург поднесе барање за развод во 2018-та.

Но, тогаш Џина тврдеше дека церемонијата што ја направиле не била склучување на брак.

Па, нивната разделба помина полесно и беше финализирана во 2021-ва.

Спирова С. | Црнобело