Со билборд открија дека си кажале „ДА“, ги венча Адам Сендлер - Тејлор Свифт направи екстравагантна свадба во Њујорк

Детали

сабота, 04 јули 2026

Досега во јавноста не „протече“ ниту една фотка од парот од самата венчавка, но се знае дека невестата носела венчаница од Dior, дополнета со накит од Cartier. Гостите, пак, со автомобили влегуваа низ шатор за да се скријат од фотографите, а дури потоа излегуваат за да отидат во салата. 

Една од најголемите светски музички ѕвезди, Тејлор Свифт се омажи за својот сакан, рагбистот Тревис Келси, околу една година по свршувачката.

Свадбата на деценијата, како што ја нарекуваат многумина, истовремено е и најекстравагантната и најтајна свадба, зашто досега во јавноста не „протече“ ниту една фотографија од парот од самата венчавка.

Сепак, она што се знае е доволно да ја квалификува како свадба каква што досега немало кај светскиот џет сет.

Тејлор и Тревис, наводно, веќе направиле интимна венчавка, а свадбената прослава, која се одржува во викендот на 4 јули (Денот на независноста на САД), е само забава за нивните пријатели.

Американските медиуми објавија фотки од светлечки билборди од пред спортската арена Медисон Сквер Гарден, на кои се појави натпис дека Тејлор и Тревис се венчале.

Неофицијално, актерот Адам Сендлер ја водел церемонијата, наместо свештеник, а невестата носела венчаница со потпис на Dior, иако се шпекулираше дека ќе избере фустан од Стела Макартни или креација од Донатела Версаче.

Изгледот на Тејлор бил дополнет со накит од Cartier и чевли од Christian Louboutin.

На свадбата имало околу 1000 гости, кои не смееле да објавуваат ништо од свадбата, а наводно и сите поврзани со обезбедувањето и работата на свадбата потпишале договор со кој се обврзуваат да молчат.

Меѓу гостите беа и Бредли Купер, Ед Ширан, Камила Кабело, режисерот Стивен Спилберг, актерот Итан Хок и многу други.

Гостите во арената пристигнуваа во црни автомобили со затемнети стакла, поминуваа низ црн шатор, а дури потоа излегуваа за да влезат во салата во која се одржа свадбата.

Во јавноста се појавија шпекулации дека Рајан Рејнолдс и Блејк Лајвли, кои беа блиски пријатели на Тејлор, сепак не се меѓу поканетите гости.

Медиумите најавија и дека Тревис и Тејлор ќе потпишат предбрачен договор бидејќи богатството на рагбистот изнесува 90 милиони долари, но пејачката „тежи“ околу 2 милијарди и е најбогатата пејачка на светот.

А. Ј. | Црнобело