Последен поздрав за Робин Вилијамс кој го разнежни светот (фото)

Детали

вторник, 12 август 2014

Светот на филмот изгуби врвен комичар кој засмејуваше повеќе десетици илјади луѓе ширум светот, но го докажа талентот и со неколку сериозни улоги од кои едната му донесе и Оскар.

Академијата на филмска уметност се поздрави со глумецот Робин Вилијамс кој вчера беше пронајден мртов, преку твитот кој разнежни многумина:

„Духу, слободен си!“, со фотографија од цртанот Аладин, каде тој го позајмува гласот на духот кој излегува од волшебната ламба.

Ќерката на Робин, на која тој ѝ ја посвети својата последна Инстаграм објава, го цитирала Антоан де Сент Егзипери , како последна порака до нејзиниот татко.

„Ти ќе ги имаш ѕвездите, како што никој друг ги нема. Во една ѕвезда ќе живеам јас. Во една ќе ти се смеам. Ќе изгледа како сите ѕвезди да ти се смеат кога ќе го погледнеш небото. Ти, само ти ќе имаш ѕвезди што можат да се смеат“ – напишала на Твитер.

Неколку дена претходно му го честитала Денот на татковците, објавувајќи фотографија од неговиот најпопуларен филм каде тој ја глуми дадилкатa, Mrs. Doubtfire.