Пиела алкохол од 14 години, имаше нервен слом во јавност – Како изгледа денес Миша Бартон, откако се издигна од пропаст?

Детали

петок, 08 мај 2026

По големата слава во „Округот Оринџ“ западна во проблеми со алкохол и дрога, имаше низа скандали, нервен слом во јавност кога се дереше од тераса, а стана непрепознатлива со подуено лице и тело и неуреден изглед – како изгледа денес Миша Бартон (40)?

Миша Бартон се прослави со улогата на проблематичната Мариса Купер во хит-серијата „Округот Оринџ“ која беше популарна на почетокот на 2000-тите.

Но, славата брзо ѝ се удри од глава, па во наредните години се бореше со пороци, психички проблеми заради кои заврши во психијатриска установа, проблеми и низа скандали.

Зависноста од алкохол кој наводно го консумирала од 14 години повеќепати ѝ создаваше проблеми, а имаше инциденти и поврзани со користење на наркотици, па беше и уапсена заради возење под дејство на недозволени супстанци.

Пред неколку години таа се обиде да си ја врати актерската кариера и отворено зборуваше дека има посстрауматско стресно нарушување, па посветена е на тоа младите да не се соочат со истите проблеми, а сега изгледа како повторно да ја има контролата над својот живот. 

Тогаш таа беше неколкупати забележувана во јавност, а немаше ни трага од убавицата која се прослави, туку изгледаше подуено, несредено, со неугледен стајлинг.

Годинава таа гостуваше во емисија каде зборуваше дека ѝ е драго што младите денес имаат каде да видат примери од пропаднати кариери и уништени животи, па се надева дека нема да повторат погрешни постапки.

Сега таа е делумно активна на својот Инстаграм профил, каде објавува фотографии од секојдневието и патувањата, нејзиниот изглед е многу поразличен, но лошиот живот има оставено траги врз неа засекогаш.

Погледнете повеќе нови фотки:

M. M. | Црнобело