Каде се и што прават денес ѕвездите на „Beverly Hills“?

Детали

петок, 19 септември 2014

Оние кои растеле во деведесеттите веројатно ја гледале култната тинејџерска серија „Beverly Hills“која го прикажуваше животот на младите и богати средношколци со посебен акцент на Бренда и Брендон Волш кои се обидуваа да се снајдат во новата средина.

Иако по завршувањето на серијата ретко кој од главните глумци оствари некоја позначајна улога, сепак неможе така лесно да се заборават, па одвреме навреме се прашуваме каде се и што прават.

Шенон Доерти (Бренда Волш)

Иако беше една од централните ликови како сестра близначка на Брендон и вљубена во Дилан, Шенон ја напушти серијата по 4 сезони, а причината наводно е нејзината непрофесионалност. По заминувањето од серијата Шенон немаше некоја позначајна улога освен во серијата „Волшебнички“ и улогата во „Jay and Silent Bob Strike Back“.

И денес, 43-годишната актерка  се појавува во некои телевизиски филмови и серии.

Џејсон Присли (Брендон Волш)

Добриот и праведен Брендон Волш колку што имаше фанови, толку имаше и такви на кои им одеше на нерви. Но, во серијата беше омилен , па околу него се плеткаа и Кели и Андреа.

По „Beverly Hills“ немаше некои значајни улоги, а моментално ја снима 4-тата сезона од хумористичната серија „Call me Fitz“. Неодамна тој ја објавил и својата автобиографија „Jason Priestly: A Memoir“.

Лук Пери ( Дилан МекКеј)

Иако во текот на емитувањето на серијата , тивко патеше по Бренда Волш, сценаристите на крај го споија со Кели. Во секој случај, Дилан беше најпроблематичниот лик во серијата. Се бореше со алкохолот и со бројни други пороци.

Кариерата после „Beverly Hills“ не му беше нешто посебно успешна, но се појави и во сериите како „Jeremiah“ и сосем солидната серија на HBO „John From Cincinnati“ која е укината по емитувањето на првата сезона. Се има појавено на неколку секунди и во „Петтиот елемент“.

Џени Гарт (Кели Тејлор)

Убавата и размазена богаташка Кели, беше еден од омилените ликови па се појавуваше во сите десет сезони на серијата. Но, кариерата не ја продолжи со некој посебен успех, а денес како и Тори Спелинг снима реално шоу за својот живот.

Помеѓу останатото има глумено и во „Mystery Girls“ каде глуми со Тори Спелинг.

Уште 4 ликови од култната серија на следната страница...