Необични хобија на познатите: Плетење, собирање инсекти, ножеви, костури...

Детали

четврток, 29 јануари 2015

Покрај бројните обврски и тие наоѓаат начин за малку да се опуштат  и да уживаат во слободното време, правејќи различни активности и хобија кои им ги оттргнуваат мислите од обврските.

Некои од ѕвездите се опуштаат со составување сложувалки, некои цртаат, а некои собираат значки.

Вака познатите го исполнуваат слободното време:

Бијонсе

Кога не е на светска турнеја, не дизајнира облека и не снима десет спотови наеднаш, поп – дивата Бијонсе најчесто се опушта со читање криминални романи, на кои посветува по неколку часа неделно.

Анџелина Џоли

Најмногу се прослави со улогата на опасната девојка во „Томб Рајдер“, а како таква се претставуваше и во приватноста, изјавувајќи дека спие со ножеви, а околу вратот носи мини епрувета со крв од нејзиниот поранешен сопруг. Ништо помалку опасно не и е ни хобито со собирање на стари воени ножеви од различни земји.

Камерон Дијаз

Русокосата актерка го спојува убавото со корисното, претворајќи ја редовната физичка активност во хоби. Таа е вистинска калифорниска девојка која ужива во сурфањето и секој слободен момент го поминува на плажа.

Џенифер Лоренс

Таа е скромна и едноставна девојка која за себе смета дека случајно станала славна, па затоа има и многу обични хобија, како сликање, плетење и играње видеоигри.

Ријана

Иако обожава да ја шокира јавноста со своите екстремни модни комбинации кои често се тема на коментирање, славната пејачка во слободно време најчесто се опушта редејќи сложувалка. Ужива во спојувањето на многу парчиња во една смислена целина.

Кејти Холмс

Кејти времето најчесто го поминува во друштво на својата ќерка Сури. Со оглед на тоа што како дете постојано гледала како шие нејзината мајка, се труди сега и таа да ужива во истото заедно со ќерката.

Мила Кунис

Убавата глумица има малку необично хоби кое повеќе одговара на нејзиниот сопруг Ештон Качер, но таа ужива часови и часови да поминува во онлајн играње видеоигри како Warcraft.

Џони Деп

Познат е по многу ексцентрични улоги во филмовите, но има и малку ексцентрично хоби. Џони обожава да си игра со барбики и да собира костури на гулаби.

фото: depositphotos.com

Уште 9 необични хобија на познатите на следната страница...