Најслаткото видео - Луисана Лопилато и Мајкл Бубле чекаат второ дете

Детали

вторник, 07 јули 2015

Луисана Лопилато и нејзиниот сопруг Мајкл Бубле преку интересно видео кое го објавија на социјалните мрежи, ја споделија веста дека го очекуваат своето второ дете.

Парот го снимил видеото заедно со својот 1-годишен син Ноа и голиот стомак на Лопилато. Бубле го прашува малиот Ноа: „Кој е таму?“

Детето покажува со прстот кон стомакот на мајка си и одговара: „Бебе“.

Тие ја објавија веста многу бргу откако Бубле откри пред извесно време дека имаат планови за проширување на семејството.

„Јас и жена ми навистина би сакале да имаме три или четири деца и ако не сме благословени природно да ги зачнеме, тогаш со сигурност ќе посвоиме“ – вели Бубле.

Сега јасно и гласно ја споделија радосната вест дека на пат е и второто дете.