Сантиметрите не се важни за љубов - Славни жени кои се повисоки од своите партнери

Детали

понеделник, 09 декември 2024

Зендеја, Камерон Дијаз, Никол Кидман - овие дами се доказ дека висината не е секогаш пресудна за да процвета љубовта, дури и кога жената е повисока од мажот.

Том Круз е понизок од двете поранешни сопруги, и Никол Кидман и Кејти Холмс.

Но, Никол е повисока и од својот сегашен сопруг, Кит Урбан.

Кои други славни жени се повисоки од своите (сегашни или поранешни) партнери?

Зендеја и Том Холанд

Една од најпознатите млади ѕвезди, Зендеја, е висока 178cm, додека нејзиниот дечко, актерот Том Холанд има 5cm помалку.

Актерката освен што е повисока, често носи високи потпетици во друштво на Том, и се чини тоа не им пречи воопшто.

Никол Киднан и Кит Урбан

Оскаровката е висока 180cm, додека нејзиниот сопруг, кантри пејачот Кит Урбан е висок 178cm.

Парот е долги години во брак и имаат две деца.

Софи Тарнер и Џо Џонас

Ѕвездата на Game of Thrones има 175cm, a нејзиниот поранешен сопруг има 170cm.

Додека беа во брак, тие гордо позираа еден покрај друг, без оглед на висината.

Камерон Дијаз и Бенџи Маден

Актерката има 175cm, додека нејзиниот сопруг, гитаристот Бенџи Маден е понизок цели 7cm.

Тоа не им пречи да се среќни заедно - во брак се од 2015 година и имаат две деца.

Ерин Дрејк и Даниел Редклиф

Американската актерка е висока 170cm, а нејзиниот сопруг, популарниот Хари Потер, има само 175cm.

И покрај тоа парот е заедно од 2013 година и нивната љубов не се намалува.

Трејси Полан и Мајкл Џ. Фокс

Актерката Трејси Полан има 167cm, а нејзиниот сопруг, Мајкл Џ. Фокс е понизок 5cm, односно има 162cm.

Нивната висина, како ни Паркинсоновата болест со која Мајкл живее со години, не се пречка за љубовта на овој пар.

А. Ј. | Црнобело