Зошто принцот Вилијам и Кејт Мидлтон речиси никогаш не се држат за раце во јавност?

Детали

вторник, 19 април 2016

Таџ Махал може да се вброи помеѓу едно од најромантичните места во светот, но кога принцот Вилијам и неговата сопруга Кејт прошетаа покрај него, покажаа многу малку нежност.

Иако по спортски или други опуштени настани немаат проблем да се прегрнат, Кејт и Вилијам речиси никогаш не се држат за раце.

Пред 2 години, кога беа во официјална посета на Австралија, парот држеше прилично голема дистанца пред камерите, додека Вилијам на шега ја праша сопругата „Сега, за што ќе зборуваме?“

Воздржувањето од нежност не е необично за јавен пар како што се тие.

Мика Маер, експерт по кралски манири и однесување, не е воопшто изненадена на оваа тема.

„Не постои посебно правило кое вели дека кралскиот пар мора да се воздржува од нежности во јавност.

Верувам дека размислувањето е дека ја претставуваат британската монархија за време на патувања како пример во Индија, па сакаат да останат професионални, затоа што тоа не е приватно патување.

Но, забележав дека малку се опуштија за време на спортските настани на турнејата, каде имаше многу насмевки, па дури и прегрнување.

Различни околности си бараат различен тип на однесување,“ заклучува Маер.

М. Д. | Црнобело