Документарец за принцот Хари: За првпат зборува за смртта на неговата мајка - принцезата Дијана

Детали

вторник, 20 декември 2016

Принцот Хари сè уште се сеќава колку се борел да ја прифати смртта на својата мајка која се случи пред 19 години. Во 1997-та година, кога принцезата Дијана загина во сообраќајна несреќа, тој имаше само 12 години.

„Никогаш целосно не се соочив со тоа што точно се случи“ - вели 32-годишниот принц во новиот документарец, „Prince Harry in Africa“.

„Имав многу насобрани и длабоко закопани емоции поголемиот дел од мојот живот и едноставно воопшто не сакав да размислувам за тоа“ - продолжува.

Документарецот го следи патувањето на принцот до Лесото каде тој ја отвори својата добротворна организација, „Sentebale“, но и неговата врска со починатата мајка и како се соочил со загубата.

„Сега далеку поинаку гледам на животот. Порано ја „закопував главата во песок“ и ги игнорирав емоциите“ - објаснува принцот.

Сега, тој својата цел ја пронашол во стапките на неговата мајка, продолжувајќи ја нејзината добротворна работа.

Краток клип од документарецот:

Н. Г. | Црнобело