Зошто Британското кралско семејство не користи презиме?

Детали

четврток, 12 јануари 2017

Кралицата Елизабета Втора, принцот Чарлс, принцот Џорџ... Сите членови на кралското семејство имаат нешто заедничко. Никој од нив нема потреба од презиме.

Британското кралско семејство никогаш не е далеку од очите на јавноста, но луѓето има едно нешто што не знаат за неговите членови - нивното презиме.

Зошто? Едноставно, во основа, немаат потреба од презиме. Толку се познати, што доволно е да се идентификуваат само со нивното име.

Пред 1917-та година, членовите на кралското семејство воопшто не употребувале презимиња.

Тогаш, членовите на кралското семејство имале само лично име и име на куќата или династијата од која потекнуваат, на пример Тјудорска династија или Династија Јорк.

Во 1917-та година, Кралот Џорџ Петти, кој бил на тронот цели 7 години, решил да го промени името на неговата куќа од Саксо-Кобург-Гота во Виндзор.

Тој се одлучил за ваква промена, заради анти-германските движења и почетокот на Првата светска војна (Саксо-Кобург-Гота династијата е од германско потекло). Името Виндзор доаѓа од еден од имотите на кралското семејство, замокот Виндзор.

Тој тогаш решил дека Виндзор ќе стане и официјално презиме на кралското семејство.

Кога Кралицата Елизабета Втора дојде на власт, таа направи мала модификација.

Во 1947-та година, принцезата Елизабета стапи во брак со Филип Маунтбатен, поранешен грчки и дански принц кој се приклучи на Британската Кралска Морнарица. Само неколку години подоцна, по смртта на нејзиниот татко, Елизабета стана кралица, а Филип, војводата од Единбург.

Нивните потомци го носат презимето Маунтбатен-Виндзор, но не мораат секогаш да го користат.

Било кој член од кралското семејство кој ја носи титулата „Неговото Кралско Височество принцот“ или „Нејзиното Кралско Височество принцезата“, не мора да го користи своето презиме.

Некои членови од кралското семејство можат да ја користат и територијалната ознака на нивните семејства. На пример, кога принцот Вилијам и принцот Хари служеа во војската, одеа под имињата Вилијам Велс и Хари Велс - бидејќи нивниот татко е принцот од Велс. 

Н. Г. | Црнобело