Ѕвезди кои на најдобар начин возвратиле на критиките

Детали

четврток, 06 април 2017

Ѕвездите не се само обожавани од своите фанови, туку доста често се и омразени. Покрај пофалбите и славењето, тие исто така добиваат и критики и негативни коментари кои знаат да ги повредат.

Но, на истите, тие имаат генијален одговор со кој го возвраќаат ударот:

Кара Делевињ

На Твитер откако објавила: „На пат сум да направам нешто неверојатно возбудливо и многу сум нервозна“, некој решил да возврати со коментар: „Со надеж дека си на интервју за вистинска работа. Изгледот ќе ти избледе Кара. Не можеш да заработуваш од веѓите цел живот“.

На тоа, Кара возвратила: „Ќе зажалиш за тоа што го кажа. Се обидувам да направам нешто добро и на ниту еден начин истото не се врзува со мојот изглед. Ти си само уште еден жеден маж кој мисли дека само изгледот е важен“.

Кајли Џенер

Најелегантниот одговор кој ќе го најдете на Твитер. Откако некој ја нарекол „14-годишна проститутка“, таа возвратила: „Се чувствувам како 19-годишна проститутка.“.

Ким Кардашијан

Откако изјави дека ѝ дозволува на Норт сама да одбира бои и материјали за својата облека, некој решил да ѝ коментира за начинот на кој го воспитува своето дете. На тоа Ким возвратила: Барем ја развива креативноста и поминува време со нејзиниот татко, а потоа продолжила: „Можеби ако поминуваш помалку време во мразење на другите ќе научиш да се сакаш себеси. Животот е прекрасен. Биди среќен и благословен, со цела моја искреност.“.

Џиџи Хадид

Откако некој коментирал дека ослабела за да може да стане дел од модната индустрија таа возвратила: „Го сакав моето тело на 17, а и сега го сакам. Твојот коментар нема да ме повреди, ама следен пат, те молам помисли на младите девојки кои ќе прочитаат вакво судење на изгледот и самите ќе почнат да го судат својот изглед.“.

?ref_src=twsrc%5Etfw

Серена Вилијамс

Откако ја победи својата сестра на U.S. Open на прашањето: „Најчесто се смееш кога ќе победиш. Што е сега ова? Дали вака се однесуваш затоа што ја победи Винус?“, таа одговорила со: „Искрено не сакам да бидам овде. Преморена сум, сакам да бидам во кревет и утре ме чека тренинг. Не сакам да одговорам на твоите глупави прашања.“

Зендаја

Сè започна откако еден корисник на Твитер реши да објави фотографија каде таа е со нејзините родители и да коментира: „Премногу е убава за да биде нивна ќерка“. Таа возврати: „Прво, ќе се молам за тебе. Додека си загрижен за изгледот на моите родители, те молам имај на ум дека тоа се две најнесебични личности кои не се грижат околу такви тривијални коментари кои навредуваат други, туку се учители кои го посветиле својот живот на учење, култивирање и исполнување на младите умови со корисни работи. Те молам, одлогирај се, оди на училиште, прегрни учител и прочитај некоја книга...“.

Хајди Клум

Во едно интервју Доналд Трамп реши да коментира дека Клум повеќе не е чиста десетка. Таа реши да објави видео на Твитер со хаштаговите: #TrumpHasSpoken #sadly #9.99 #NoLongerA10 #IHadAGoodRun #donaldtrump #HeidiTrumpsTrump #BeautyIsInTheEyeOfTheBeheld

Мелиса Мекарти

Филмски критичар решил да го критикува нејзиниот изглед во „Tammy“, а Мекарти решила јавно да му пријде и да го праша: „Ако еден ден твојата ќерка се врати дома и ти каже дека не добила работа затоа што е непривлечна, дали ќе ѝ кажеш, така е грда си?“. Критичарот одговорил: „Не, не би сакал тоа да се случи.“. „Имај на ум дека со вакви коментари негативно влијаеш на милиони млади девојки кои не се сигурни околу својот изглед“ - заклучила Мекарти.

Н. Г. | Црнобело