Мет Дејмон е дадилка на близнаците на Џорџ и Амал Клуни (видео)

Детали

среда, 25 октомври 2017

Во понеделникот Џорџ Клуни беше гостин во шоуто на Џими Кимел, „Jimmy Kimmel Live“, а додека тие разговараа, Џорџ откри дека близнаците се во студиото.

Сите беа изненадени и секако, сакаа да ги видат Ела и Александар, децата на Џорџ и Амал Клуни.

Кога „ги повикаа“, следуваше уште поголемо изненадување – се појави Мет Дејмон со ранец и играчки на него, туркајќи ја количката каде што наводно беа близнаците.

Дејмон и Клуни објаснија дека тој е нивната машка дадилка, а Кимел беше во неверување, бидејќи ако не сте знаеле тој и Мет се „во расправија“.

Двајцата постојано се подбуцнуваат, па така кога тој објасни дека е машка дадилка, Кимел му кажа дека тој не е машко, а актерот му возврати со „силен удар“ велејќи дека жената на Џими не би го потврдила тоа.

Потоа Мет Дејмон тргна да ги извади близнаците од количката за да ги покаже на публиката, но тој зема две ќебенца, па му ги покажа средните прсти на Кимел.

Нивната „расправија“ навистина изгледа смешно, но посмешно би било кога сами би го виделе тоа.

Погледнете го видеото од оваа интересна шега која тие ја приредија за публиката:

М. М. | Црнобело