Гладуваат за тесните фустани, користат дрога во тоалетите: Мрачната страна на Мет гала

Детали

сабота, 10 мај 2025

Иако важи за најексклузивниот моден настан во светот, и Мет галата си има свои мани – гостите, посебно жените, одат до екстреми за да ослабат и да „влезат“ во тесните креации, некогаш има конфликти меѓу нив, а честопати се случувало да имаат и секс во тоалетите.

Раскош, гламур и дизајнерски аутфити кои чинат повеќе од годишна плата – вака изгледа Мет галата, барем оној дел што можеме да го видиме ние, „обичните“ луѓе.

Зад затворени врати, најексклузивниот моден настан во светот и не е така совршен, барем за гостите кои треба да се прикажат во најдобро издание и да изгледаат беспрекорно бидејќи се „под лупа“ на јавноста и критичарите.

Овде се и скандалите кои се случувале низ годините и кои покажуваат дека Мет галата си има и „мрачна“ страна.

Неколку детали за мрачната страна на Мет гала, која ние не ја гледаме:

Некои ѕвезди не можат да отидат ни во тоалет

Во име на модата, гостите на Мет гала жртвуваат многу, дури и потребата за одење во тоалет.

Одличен пример за ова е Бела Хадид која во 2017 година уште се пробиваше на модната сцена и имаше можност да присуствува на настанот.

Тогаш манекенката се појави во тесен комбинезон од брендот Alexander Wang, а бидејќи уште не била доволно позната, немала никаков удел во одлуката за тоа што ќе носи.

Имено, кога покажала загриженост дека комбинезонот ќе ѝ биде неудобен, дизајнерот само ѝ рекол да замолчи и да изгледа убаво, како и дека никој немало ни да ја фотографира ако не носела негова креација.

Комбиензонот бил зашиен на Бела, па таа неможела да оди ни во тоалет.

„На крај, таа само молчеше. Откако го облече комбинезонот, требаше да го издржи шминкањето, црвениот тепих и вечерата без да оди во тоалет.

Ѝ беше страв да пие вода и при крајот беше во болка бидејќи се воздржуваше“, вели извор за The Sun.

Некои ѕвезди слабеат драстично за да можат да „влезат“ во креациите

Ким Кардашијан отворено зборува за лудите диети што ги држи за нагло да ослаби за нејзините изданија на Мет гала.

За настанот во 2022-ра, кога носеше фустан на Мерилин Монро, ријалити ѕвездата ослабела скоро 8 килограми за три недели со строг режим на вежбање и изгладнување.

Минатата година, пак, носеше толку тесен корсет, што јавност почна да шпекулира дека си извадила ребра за да ја собере.

Пред неколку години, имало и малку одвратен инцидент со музичар кој испил премногу апчиња за слабеење. Имено, музичарот, чие име не е откриено во јавноста, добил дијареја од многуте апчиња и не можел навреме да стигне во тоалетот.

Организаторите реагирале брзо – го тргнале настрана и му помогнале да се среди и до денес успешно го кријат неговото име.

Продолжува на следната страница...