Како изгледале како мали децата на Мајкл Џексон, чии лица ги криеше? (видео)

Детали

петок, 16 февруари 2018

Лицата на Парис и Принц Џексон денес се добро познати, но кога беа мали тоа беше вистинска мистерија.

Мајкл Џексон се обидуваше да ги заштити неговите деца од медиумите колку што може повеќе, па така кога беа мали постојано им ги покриваше лицата со марами и им ставаше маски.

Светот не знаеше како изгледаат наследниците на поп кралот.

Но, неодамна неговата ќерка Парис Џексон (19) на Инстаграм објави невидено видео од нивното детство, со кое му го честиташе роденденот на нејзиниот брат. Таа и Принц (21) се забавуваат и танцуваат на видеото.

Со ова симпатично видео Парис се потсети на детството, на игрите со нејзиниот брат и на тоа колку биле блиски.

Таа открива дека тој е најмилата личност што ја познава и дека е нејзиниот најдобар пријател.

Видеото од детството на Парис и Принц:

С. С. | Црнобело