Зошто Бијонсе и Соланж Ноулс посетувале психолог кога биле деца?

Детали

среда, 23 мај 2018

Посетата на психолог е сосема во ред и примерот што го раскажува мајката на Бијонсе и Соланж е вистински доказ за тоа.

Тина Ноулс, мајката на суперталентираните сестри Бијонсе и Соланж Ноулс проговори за улогата на мајка и сподели некои свои искуства.

Бидејќи Бијонсе настапувала уште од 8-годишна возраст и била ѕвезда во нејзиниот град, Тина во едно неодамнешно интервју откри дека на помалата ќерка, Соланж, морала да ѝ посветува многу внимание за да не се чувствува запоставено.

Нејзините напори вложиле со плод затоа што денес сестрите се многу блиски, имаат врска полна љубов и сè би сториле една за друга.

Тина Ноулс уште додека биле деца ги носела на сесии кај психолог. Таа вели дека како мала чувствувала дека нејзината мајка повеќе го сакала брат ѝ и затоа не сакала тоа да дозволи да се случи и со нејзините ќерки.

Одлуката да ги носи на психолог многумина ја осудувале, но таа смета дека го направила вистинскиот избор.

Исто така, Тина открива дека имала денови кога посебно им се посветувала на девојчињата, а особено средите ѝ биле резервирани строго за Соланж, затоа што цел живот растела во сенката на Бијонсе и Тина не сакала да се чувствува љубоморно на неа или пак помалку важно од неа.

Таа вели дека најголем успех во животот ѝ е што направила нејзините ќерки да се неверојатно заштитнички поставени една кон друга и што имаат нераскинлива врска.

С. С. | Црнобело