Ги освои женските срца: Кој е згодниот братучед на принцот Хари? (фото)

Детали

четврток, 24 мај 2018

Девојките веќе го одбраа новиот миленик од британското кралско семејство. Станува збор за 24-годишниот Луис Спенсер, кој им падна во очи на големата свадба во саботата, по што стана вистински хит на интернет. 

„Дај нека ме спои некој со братучедот на Хари. Мислам дека сум спремна за брак!“ и „Ако било кој од моите пријатели го познава Луис Спенсер, нека ни договори состанок на слепо.“

Вака звучат само дел од коментарите на обожавателките, што навидум „мистериозниот“ роднина на младоженецот ги стекна на Твитер. Прошета опкружен со три елегантни дами и невозможно беше да остане незабележан.

Меѓу шестотините гости кои присуствуваа на венчавката на Меган и Хари, вниманието им го украде баш згодниот благородник. Мамеше погледи и ги освои женските срца со изгледот, па оттогаш му изјавуваат љубов на социјалните мрежи.

Сега кога и двајцата браќа се официјално зафатени, се чини дека нивниот прв братучед ќе ја понесе титулата за најпосакуван ерген од британското кралско семејство. А, кој е всушност Луис Спенсер?

Во прашање е внукот на принцезата Дијана, односно син на брат ѝ Чарлс Спенсер. Toj e четврто дете на грофот и неговата прва сопруга – Викторија. Има четири сестри, а на големата кралска свадба пристигна во придружба на две од нив – Кити и Елиза, како и мајка си.

Виконт Алторп, како што гласи неговиот официјален назив, се школувал на универзитетот во Единбург, а израснал во Кејптаун, Јужна Африка.

И, која најважната информација за припадничките на понежниот пол? Според пишувањата на британскиот весник Daily Mail, моментално е „среќно слободен“.

Верувале или не, жената која имаше најголеми шанси да ѝ „клекне на колена“ е Ники Минаж. Се запознале во 2015 година и веднаш ја „запросил“, изразувајќи желба да му стане жена. Иако на шега, раперката не криеше дека е почестена и воодушевена од гестот на шармерот Луис.

Од галеријата во продолжение, ѕирнете дел од фотките на новиот миленик на девојките:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело