Славни личности кои биле посвоени во детството

Детали

петок, 16 ноември 2018

Помеѓу славните личности има многу кои се родители на посвоени дечиња, како Пит и Џоли, Мадона и многу други, а сега се шпекулира дека и Ким и Канје се одлучиле на таков чекор.

Но,  дали знаете дека и помеѓу славните има такви кои во младоста биле посвоени и не израснале со биолошките родители?

Несреќен случај на родителите, недоволни финансии за чување или неподготвеност се дел од многуте причини за давање на децата на посвојување.

Погледнете дел од приказните на посвоените славни личности:

Џек Николсон

Мајка му го родила на 17 години, па побарала од нејзините родители да го земат Џек и да го израснат како свое дете.

Тие се согласиле, а Николсон не ја дознал вистината до 37-мата година, 10 години откако неговата мајка и баба починале.

Мерилин Монро

Мајката на Мерилин се борела со ментална болест, а нејзиниот татко бил непознат, па таа била оставена и менувала сиропиталишта до 11-та година.

Иако неколку семејства сакале да ја посвојат, нејзината мајка не ги потпишувала документите, па се преселила кај најдобрата пријателка на мајка ѝ.

На 16 години се омажила за 21-годишниот сосед, Џејмс Доерти.

Стив Џобс

Биолошките родители на Стив не биле венчани кога тој бил зачнат, а нивните родители не ја одобрувале врската.

Неговата мајка тајно отишла во Сан Франциско да го роди, а потоа тој бил посвоен од Пол и Клара Џобс.

На 27 години, открил дека неговите биолошки родители се венчале и добиле ќерка 2 години откако го дале на посвојување, а тој се зближил со неговата биолошка сестра, иако никогаш немал потреба да ги запознае родителите.

Никол Ричи

Неофицијално, Никол била посвоена од Лајонел и Бренда Ричи на 4 години, а официјално кога имала 9 години.

Нејзините биолошки родители биле пријатели со семејството Ричи, а поминувале низ лични и финансиски проблеми, кога Лајонел се понуди да се грижи за нивната ќерка.

Џејми Фокс

Фокс бил посвоен од неговите баба и дедо кога имал помалку од 1 година, откако бракот на неговите родители се распаднал.

Нелсон Мандела

Нелсон имал само 9 години кога неговиот татко починал од болест на белите дробови, а бил посвоен од поглаварот на Тембу племето, како услуга за неговиот татко кој го препорачал за да ја добие титулата. Таткото на Мандела препорачак тој да биде назначен за поглавар на племето.  

М. М. | Црнобело