Славни парови кои беа верени, но никогаш не стапија во брак (нивната ретро љубов буди носталгија)

Детали

петок, 11 октомври 2024

Дали некој од вас воопшто памти дека Никол Кидман и Лени Кравиц беа во врска, па дури и за малку ќе стапнеа пред олтар?

Љубовта помеѓу познатите личности во светот на Холивуд не е ништо ново, па голем дел од нив имаат бурно љубовно минато со звучни имиња.

За некои од овие парови дури и сме заборавиле дека биле заедно, па дури и дека биле свршени, но за жал не стигнаа до брак.

Ве потсетуваме на дел од нив, можеби и вам ќе ви разбудат носталгија за старите времиња:

Рајан Рејнолдс и Аланис Морисет

Денес актерот има совршен брак со Блејк Лајвли, заради што многумина како да заборавија на неговото минато.

Негова сопруга за малку ќе беше пејачката Аланис Морисет – тие беа во врска 5 години, а 2 години беа свршени, но не стигнаа до брак и раскинаа во 2007.

Кифер Сатерленд и Џулија Робертс

Кога овој познат актерски пар реши да стапи во брак, имаа 23 и 24 години.

Тоа беше пред повеќе од четврина век и двајцата беа на почетокот на нивниот пат до славата.

Но, само 3 дена пред свадбата, во 1991, Џулија ја раскина свршувачката и одлета за Ирска со пријател на младоженецот.

Лени Кравиц и Никол Кидман

Во 2017, неочекувано и непланирано, во едно интервју, Никол откри дека била свршена со Лени Кравиц во 2003.

Не е познато што точно се случило, но тие до ден денес се во добри односи.

Мајкл Китон и Кортни Кокс

Нивната врска заврши уште во 1995, па не е ни чудо што многумина не се сеќаваат на оваа романса.

Не постои официјална потврда дека тој ја запросил, но во медиумите во тоа време, главна тема беше нивната свршувачка, според извори.

Џим Кери и Рене Зелвегер

Актерскиот пат имаше романса во 90-тите години, откако се запознаа на снимањето на филмот Me, Myself & Irene. Тие беа свршени од 1999 до 2000 година.

Бред Пит и Гвинет Палтроу

Се запознаа на снимање на филмот Seven во 1994-та, се свршија во 1996-та и се разделија една година подоцна во 1997-ма.

Пит очигледно во минатото „паѓаше“ на актерки, земајќи ги предвид неговите големи љубови, Џенифер Анистон и Анџелина Џоли.

М. М. | Црнобело