Ѕвезди кои дизајнерите одбиле да ги облечат за настани

Детали

сабота, 26 јануари 2019

Деновиве се шири веста за Бебе Реџа, која остана без облека за Греми наградите, откако мнозинство светски дизајнери ја одбиле за соработка.

Но, таа не е единствена славна личност која дизајнерите одбиле да ја облечат за важни настани, а низ годините, многу ѕвезди се имаат пожалено од истото.

Многу славни дами се соочиле со предизвик да најдат дизајнер кој ќе сака да ги облече и стилизира за црвен тепих, филмска премиера и други важни настани, доколку имаат поголема величина од „вообичаената“, но и од други причини зависно од ситуацијата.

Во продолжение погледнете кои ѕвезди изјавиле дека дизајнерите не сакаат да соработуваат со нив за одредени настани:

Мелиса Мекарти не можела да најде никој што ќе ја облече за Оскарите во 2012

Клое Кардашијан изјавила дека пред да ослаби, немала многу можности и дизајнерите немале облека за неа

Ешли Грејам не присуствувала на Мет Гала бидејќи не можела да најде дизајнер што ќе ја облече

Кога Бијонсе била дел од Destiny’s Child дизајнерите не се нафаќале да креираат облека за групата, па ги облекувала нејзината мајка

Кристина Хендрикс не можела да најде дизајнери кои ќе ѝ позајмат фустан

Лесли Џонс не можела да најде дизајнер што ќе ја облече за нејзината „ Ghostbusters“ премиера

Меган Мулали не можела да најде некој што ќе ја стилизира иако била организатор на настанот

М. М. | Црнобело