Ѕвезди на кои славата им удри во глава: Бибер плукна фанови, Булок се дереше на маж во количка

Кристина Агилера

Таа е можеби вокална дива, но ова не ѝ дава за право да биде некоректна кон своите обожаватели. Додека беше член на жирито во шоуто за таленти „Тhe Voice“, Кристина Агилера го прекорила натпреварувач дека не обрнува доволно внимание на нејзините критики, a за друг повеќепати инсистирала да ги соблече панталоните. Ништо подобро не поминуваат ни ѕвездите. Глумицата Валери Бертинели изјави дека еднаш ѝ се обратила со комплиментот: „Боже, мислам дека си прекрасна пејачка!“. Таа незаинтересирано ѝ одговорила: „Аха, сеедно.“

Брус Вилис

Во текот на летните Олимписки игри во 1996 година, актерот и неговата тогашна сопруга Деми Мур седнале на ручек во трговскиот центар „Lenox Square Mall“ во Атланта. Сопственикот на ресторанот тврди дека две момчиња на возраст од околу десетина година го забележале Брус Вилис, а потоа се насмевнале и покажале кон него од далечина. А, тој станал и почнал да им се дере на децата, бидејќи се осудиле да го прекинат во јадењето.

Кетрин Зита Џонс

Ништо поблага кон децата не е ниту неговата колешка, која целосно го деморализирала осумгодишно девојче. И денес се сеќава на забавата по прикажувањето на филмот „The Mask Of Zorro“, кога со голема возбуда пришла на Кетрин Зита Џонс, кажувајќи ѝ дека нејзиниот сон е да стане глумица. „Таа се сврте кон мене и ме погледна од горе до доле, па ми рече дека не е сигурна дали сум доволно убава. Потоа си продолжи со разговорот. Оттогаш постојано мислам дека сите ми судат врз основа на изгледот.“

Џаред Лето

Во паузите од филмските проекти, актерот настапува со неговиот рок бенд. Но, се чини дека има мал праг на толеранција кога е на сцената. Разочаран што една од девојките во публиката не ги знаела стиховите на песните, кои во моментот ги изведувал на концертот во Бразил во 2011 година, Џаред Лето ѝ го покажал средниот прст на обожавателката.

М. А. | Црнобело