Сестрите Кардашијан-Џенер ги брендираа имињата на своите деца

Детали

вторник, 19 февруари 2019

Според повеќе светски таблоиди, сестрите Кардашијан и Џенер, кои веќе имаат деца, одлучиле нивните имиња да ги брендираат и да ги заштитат.

Ким и Клое веќе го направиле тоа за Норт, Сент, Чикаго и Тру, а истото го направила и Кајли Џенер за својата ќерка Сторми. Исто така, заштитен е и зборот „Stormiworld“, односно насловот на роденденската забава на Сторми.

Причината за сето ова? Нормално, бизнисот. Сестрите веќе одамна ги имаат брендирано своите имиња како заштитен знак, со оглед на тоа што веќе имаат свои брендирани производи, како што се облека, играчки, апликации и шминка.

Но, се чини дека не сите членови на семејството Кардашијан-Џенер се воодушевени од оваа идеја. На пример, Кортни нема намера да го направи тоа со своите деца Мејсон, Пенелопе и Рејн, а најверојатно нема да им се придружи ниту Роб Кардашијан, односно неговата ќерка Дрим.

Ова семејство има долга историја со брендирањето на своите имиња, а светот добро го памети спорот меѓу Кајли Џенер и Кајли Миног. Кога Џенер сакаше да го заштити своето име во полза на своите шминкерски колекции, наиде на пречка бидејќи Кајли Миног веќе се имаше брендирано за едукативни и забавни цели.

Е. Д. | Црнобело