Како Меган Маркл планира да оди по стапките на кралицата при породувањето?

Детали

среда, 10 април 2019

Таа уште еднаш ќе пристапи на поинаков начин кон работите за разлика од Кејт Мидлтон. Дали со овој потег Меган ќе ги придобие симпатиите на кралицата?

Меган Маркл има храбар план во поглед на породувањето кое треба да се случи кон крајот на месецов. Војвотката од Сасекс сака да се породи дома во вилата Фрогмор.

37-годишната Меган планира да ги следи стапките на кралицата Елизабета, која сите 4 деца ги родила дома. Заедно со принцот Хари ќе викнат бабица која ќе помогне при породувањето.

Сепак, не е исклучено и породувањето во болница во случај на итна потреба со оглед на возраста на Меган, а кај жените над 35-тата година поголеми се шансите за предвремено породување или потреба од епидурална и царски рез.

Извор близок до Меган вели дека таа практикува јога и бременоста ја минала во навистина добро здравје, па не гледа причина зошто не би се породила безбедно дома.

34-годишниот Хари ќе биде до својата сопруга при секој миг од породувањето, без разлика каде и со каква техника ќе се изведува тоа.

Прочитајте и Зошто Хари и Меган Маркл ќе се селат во нов дом, на страна од Вилијам и Кејт?

С. С. | Црнобело