Меган Фокс на настан во проѕирен фустан, а Машин Ган Кели се скри за да не се слика со неа (видео)

Детали

петок, 19 мај 2023

Тој ја испрати до црвениот тепих, но наместо да застане до неа за да се фотографираат како разменуваат нежности и бакнежи, како што тоа го правеа во минатото, Машин Ган Кели, ја остави Меган Фокс сама и се скри зад вратата, од каде само ѕиркаше што се случува. Дали е на повидок помирување или тие ќе останат само пријатели?

По гласините дека раскинале, Меган Фокс и Машин Ган Кели се појавија заедно на настан во Њујорк.

Актерката присуствуваше на забавата по повод објавувањето на најновото издание на Sports Illustrated на кое на насловната страница е Меган Фокс, а нејзиниот свршеник дојде заедно со неа за да ѝ пружа поддршка.

Забележително беше дека и покрај тоа што беа заедно Меган на себе не го носеше свршеничкиот прстен, а не прошетаа заедно на црвениот тепих, не разменуваа нежности и не се бакнуваа како што тоа вообичаено го правеа во минатото.

На социјалните мрежи се споделува едно видео на кое се гледа како Машин Ган Кели ја испраќа Меган до црвениот тепих, а потоа се крие зад вратата за да не го украде вниманието и да ја остави да блесне во полн сјај.

Меган на забавата носеше долга црна тоалета со смело деколте и проѕирен горен дел, што остави многу малку на имагинацијата.

Таа изгледа неверојатно иако во интервју откри дека никогаш не го сакала сопственото тело и дека страда од телесна дисморфија.

Инаку, ова е прво заедничко појавување на црвен тепих на Меган Фокс и Машин Ган Кели по гласините дека тие двајца раскинале, а дали повторно ќе започнат романтична врска или остануваат заедно само како пријатели, останува да видиме.

Погледнете повеќе фотографии од Меган и Машин Ган Кели во продолжение:

Б. С. Б. | Црнобело