Ги облекува синовите како девојчиња, ги остава кај татко им за да се шета: Зошто Меган Фокс ја нарекуваат „лоша мајка“?

Детали

сабота, 01 јули 2023

Колку време холивудската актерка Меган Фокс поминува со своите три сина и што вели нејзиниот поранешен сопруг за тоа зошто синовите не сакаат да си заминат од неговата куќа и да одат кај неа? Зошто Меган Фокс најчесто е на мета на критики како мајка?

Навикнати сме Меган Фокс да ја гледаме во смели модни комбинации и на појавувања со нејзиниот дечко Машин Ган Кели, а многумина и забораваат дека таа е мајка на 3 сина, кои ги доби од бракот со Брајан Остин Грин.

Меган и Брајан беа во брак од 2010-та до 2021-ва година, а честопати се на мета на критики затоа што трите сина ги облекуваат како девојчиња, во фустани и со пуштени долги коси.

Ноа (10), Боди (9) и Џурни (6) честопати се фотографирани во необични изданија.

Неодамна политичарот Роби Старбак ја критикуваше Меган дека ги тера насила нејзините синови да носат женска облека, на што Меган му одговори на Инстаграм дека „го искористува родот на нејзините деца за да привлече внимание на неговата кампања.“

Освен за тоа како ги облекува синовите, Меган се соочува честопати и со критики дека постојано е со нејзиниот дечко на турнеи и патувања и дека нема време за децата.

Доволно е само да се отворат профилите на Инстаграм на Меган и на Брајан и да се забележи дека кај неа нема ниту една фотка од децата, за разлика од нејзиниот поранешен сопруг кој редовно споделува фотки со новата партнерка Шарна Бургес, со која во 2022-ра година го доби синот Зејн.

Тука се поставува прашањето, колку време поминува Меган со синовите и дали ги гледа воопшто?

По разводот Меган и Брајан се договорија да имаат заедничко старателство над трите сина и двајцата немаа приговори.

Но, набрзо по разводот Меган го обвини Брајан дека сака да ја прикаже во јавноста како отсутна мајка, па затоа не објавува заеднички фотки со неа и со децата, но се чини дека сега страстите се смирија и моментално работите се во најдобар тек.

Две години по нивната разделба Брајан отворено зборуваше за тоа како изгледа заедничкото старателство со Меган, па за E!News рече:

„Супер се сложуваме. Не се расправаме за тоа кој повеќе време ќе добие со децата и се обидуваме да се менуваме за празниците, така ако се со еден родител на божиќен ручек, со другиот се вечерта на Божиќ.

Свесни сме дека и двајцата сме многу зафатени, па затоа го користиме секој слободен миг. Супер е тоа што се поддржуваме во тоа секој родител да има слободно време.“

Тој исто така рече дека се надева дека Меган и Машин наскоро ќе добијат свое дете, затоа што синовите секојпат се разочарани кога мора да си заминат од домот на Брајан и Шарна затоа што не сакаат да го остават малото братче Зејн.

„Сметам дека им е тешко да си заминат и да одат кај неа затоа што многу им недостасува Зејн и би било добро кога би имале слично искуство и во нејзиниот дом“ – рече Брајан.

Иако Брајан не ги крие пофалните зборови за својата поранешна сопруга, сепак таблоидите пишуваат дека по раѓањето на Зејн, неговите 3 сина од бракот со Меган поминуваат многу повеќе време во неговата куќа отколку кај неа.

Од друга страна, пак, на Меган не ѝ се допаѓа тоа што момчињата многу повеќе сакаат да поминуваат време со татко им затоа што на тој начин не можат да се зближат со нејзиниот дечко Машин Ган Кели.

Според RadarOnline можно е Меган да излезе на суд и да бара судот да ѝ даде повеќе време со децата, но дали тоа ќе се оствари останува да видиме.

Б. С. Б. | Црнобело