Фатални мажи поради кои славните жени ги заборавија партнерите

Детали

недела, 30 јуни 2019

Припадничките од понежниот пол не се дежурните „растурачки“ на холивудските врски. На листата се впишани и опасно привлечните фраери, по кои познати дами го изгубија умот, изневерувајќи ги дотогашните дечковци и сопрузи.

Фаталните мажи поради кои славните жени ги заборавија партнерите се:

Бен Афлек

Се сеќавате ли на Бенифер? Латино дивата и холивудскиот глумец жареа и палеа на почетокот од новиот милениум. Бен Афлек и Џенифер Лопез беа еден од најследените парови во медиумите.

Меѓутоа, ретки се оние што паметат дека нивната романса пламна во периодот кога пејачката уште беше мажена за вториот сопруг Крис Џад. Танчарот јавно тврдеше дека ѕвездата го изневерува со популарниот актер.

Дека всушност ја говорел вистината, се докажа по нивниот развод, кога таа и официјално започна врска со љубовникот. Идилата на Бен и Џен заврши во 2004 година, на разочарување на многумина.

Расел Кроу

Австралискиот глумец е фаталниот маж што му пресуди на бракот помеѓу Мег Рајан и Денис Квејд. Холивудската слатка девојка го запозна славниот филмски гладијатор на снимањето заеднички филм.

Таа не можела да одолее на шармот на Расел Кроу, па наводно започнале тајна афера. Кога јавноста откри што се случува, сопружниците веднаш побараа развод.

Од друга страна, не траеше долго ниту врската меѓу прељубниците. Во подоцнежните интервјуа, актерката призна дека ни сопругот не бил пример за лојалност. Напротив. Со години ја изневерувал, така што само попуштила пред притисокот.

Еди Сибриан

Тие се доказ дека врската може да опстои, дури и ако започне со неверство. Еди Сибриан и Лиен Рајмс се запознале додека заедно соработуваа на телевизискиот филм „Northern Lights“ во 2009 година.

Американската пејачка и глумецот лудо се вљубиле еден во друг, иако обајцата беа во брак. Таа во тоа време беше мажена за танчарот Дин Шеремет, а тој за глумицата Бренди Гленвил.

Откако се разведоа од своите партнери, ѕвездите се заколнаа на вечна љубов, којашто трае и денес.

Продолжува на следната страна...