Одделни спални соби, минимална комуникација - бракот на Доналд и Меланија Трамп е глума?

Детали

четврток, 27 јуни 2019

Вработените од околината на Доналд Трамп: „Не сме виделе какви било докази за брак.“

Доналд и Меланија Трамп се во брак од 2005 година. Иако тој е 24 години постар од неа, парот е заедно од нивната прва средба во 1998 година.

Од 2016 година кога Доналд стана претседател на САД, Меланија ја доби улогата Прва дама на САД. Постојано го поддржува сопругот на јавни настани, но сепак во медиумите постојано осамнуваат информации дека нивниот брак е парада за јавноста и тие водат одделни животи.

Во книгата „Fire and Fury: Inside the Trump White House“ на Мајкл Вулф излезе тврдењето дека никој од околината на Трамп не видел какви било „докази за брак“.

Книгата ги потврдува гласините дека тие имаат посебни спални соби и дека меѓусебната комуникација им е сведена на минимум.

Меланија на почетокот воопшто не сакала да се пресели во Белата куќа и затоа и доцнела со преселбата. Потребни ѝ беа 6 месеци за да се пресели од Њујорк во Вашингтон.

Потоа, на ова се надоврзуваат и гласините дека Меланија наводно има двојничка, која ја заменува на некои појавувања со Доналд.

С. С. | Црнобело