Познати личности кои отвoрено прозбореле за своето ментално здравје
Спонзорирано од:
Спонзорирано од ОгласиЗаРабота.мк
Оператор 06-12-2019
Продавач 06-12-2019


Познати личности кои отвoрено прозбореле за своето ментално здравје

Денес менталното здравје е можеби најголемиот проблем кај луѓето и тоа многу почесто кај младите, но за среќа, сè повеќе луѓе почнуваат отворено да разговараат на оваа тема. 

poznati-lichnosti-koi-otvoreno-prozborile-za-svoeto-mentalno-zdravje-01.jpg

Голем број познати личности ги користат социјалните мрежи за да ги споделат нивните искуства и да покажат дека не сте сами.

Понекогаш е тешко да заборавиме дека и познатите се само луѓе со свои искуства, неуспеси и проблеми.

Но благодарение на нивната отвореност, можете да научите нешто повеќе и за себе доколку сте се нашле во иста ситуација.

Па, погледнете што имаат да кажат неколку познати личности за важноста на менталното здравје:

Селена Гомез

Растењето пред камера и очите на јавноста си има свои негативни страни. Пред да ѝ се влоши состојбата во 2016-та година, Селена неретко споделуваше фотографии од нејзините турнеи на кои изгледаше совршено среќна.

Но, подоцна откри дека воопшто не се чувствувала така:

„Турнеите се навистина осамено место за мене. Мојата самодоверба страдаше. Бев депресивна, анксиозна. Почнав да имам панични напади пред да се качам на сцената, или веднаш после настапот.“

Во 2016-та година Селена сфати дека нејзиното ментално здравје е најважно, па реши да оди во институција.

„Не знаете колку е неверојатно е да се биде со шест девојки, вистински луѓе, на кои не им беше грижа која сум, кои се бореа за нивните животи. Тоа беше најтешкото нешто што го направив, но и најдоброто.“

poznati-lichnosti-koi-otvoreno-prozborile-za-svoeto-mentalno-zdravje-02.jpg

Аријана Гранде

После трагичното бомбардирање на нејзиниот концерт, смртта на нејзиното поранешно момче и откажувањето на свршувачка со Пит Дејвидсон, Аријана се соочи со многу проблеми.

Во 2018-та година отворено зборуваше за тоа како терапијата ѝ помогнала да го надмине овој период. Еден фан дури прашал кој е нејзиниот терапевт и дали прима нови клиенти на што Аријана одговорила:

„Искрено терапијата ми го спаси живот толку многу пати. Ако ти е страв да побараш помош, нека не ти биде. Нема потреба постојано да трпиш болка и можеш да ја надминеш траумата. Има многу работа, но добар почеток е да бидеш свесен дека тоа е возможно.“

poznati-lichnosti-koi-otvoreno-prozborile-za-svoeto-mentalno-zdravje-03.jpg

Џастин Бибер

Во 2019-та година, Џастин отворено прозборе за неговото искуство со депресијата:

„Бев навистина депресивен на една турнеја. Немам зборувано за ова и сè уште размислувам за многуте нешта што ги немам кажано. Бев осамен. Ми беше потребно време.“

Во април оваа година, пејачот објави и селфи со натпис:

„Терапија. Супер е да имате здрав ум и здрави емоции.“

poznati-lichnosti-koi-otvoreno-prozborile-za-svoeto-mentalno-zdravje-04.jpg

Деми Ловато

Во 2017-та година Деми се отвори за нејзиното биполарно нарушување, проблемите со исхраната и злоупотребата на супстанци. Пејачката истакна дека вежбањето навистина ѝ помогнало.

„Теретаната навистина помага и знам дека ќе бев на многу мрачно место без неа. Вежбањето ми е како медитација бидејќи не се фокусирам на ништо друго. На патување сум да откријам како изгледа да се ослободиш од сите демони.“

Во 2018-та година Деми се предозира – настан кој речиси ѝ го одзема животот. Оттогаш таа реши приватно да се фокусира на нејзиното оздравување.

poznati-lichnosti-koi-otvoreno-prozborile-za-svoeto-mentalno-zdravje-05.jpg

Бијонсе

Бијонсе има изјавено дека е перфекционист, но открила начин како да ја насочи таа енергија на здрав начин. Таа објаснила дека го заменила перфекционизмот со цел.

„Не е најважна совршеноста. Важна е целта. Сите треба да се грижиме за нашите тела и за она што го ставаме во нив. Ние жените треба да се фокусираме на нашето ментално здравје – одвојте време за себе, за духовното, без да се чувствувате виновно или себично.“

poznati-lichnosti-koi-otvoreno-prozborile-za-svoeto-mentalno-zdravje-06.jpg

Лејди Гага

За време на посета на засолниште за бездомници од ЛГБТ заедницата, Гага се отвори за нејзиниот посттрауматски стрес и за тоа како медитација и терапијата ѝ помогнале.

„Медитацијата ми помага да се смирам. Ги немам истите проблеми како и вие, но имам ментална болест и се борам со неа секој ден.“

poznati-lichnosti-koi-otvoreno-prozborile-za-svoeto-mentalno-zdravje-07.jpg

Спирова С. | Црнобело

Би можело да ве интересира:

Познати мажи кои се посекси со брада Некои мажи со брада изгледаат како митски богови, а други како самоуверени мачо ...
Познати дами кои имаат мали гради и се горди на нив И додека девојки од цел свет, за жал, се оперираат за да имаат бујно деколте как...
Селена Гомез е доказ дека и со стрии и стомаче може да се ужива на пла... Во бело монокини и со насмевка на лицето, Селена Гомез покажа дека не е потребно...