Чудни детали од бракот на Емануел и Брижит Макрон: Нејзините деца се постари од него, се шпекулира дека е насилна

Детали

вторник, 27 мај 2025

Врската на Емануел и Брижит Макрон отсекогаш важела за скандалозна, најмногу бидејќи ја почнале кога претседателот на Франција имал околу 16, а првата дама – дури 39 години. Тогаш таа била во брак со три деца.

Брижит и Емануел Макрон се меѓу најпознатите парови од политичката елита.

Иако постојано се поддржуваат во јавност и тврдат дека не ја ни забележуваат нивната огромна возрасна разлика, по последниот скандал, јавноста почна да се сомнева дека живеат во хармонија.

Видеото на кое се гледа како Брижит го удира Макрон пред да излезат од авион преку ноќ стана вирално и францускиот претседател мораше да објаснува дека само се шегувале.

Сепак, бидејќи во моментот кога Брижит го удира изгледа збунето, а потоа е видно напнат, тешко дека некој му верува.

А, низ годините, се појавиле и други скандали поврзани со францускиот пар, почнувајќи со начинот на којшто се запознале.

Скандалите и чудните детали во бракот на Брижит и Емануел Макрон:

Брижит му била наставничка на Емануел кога се запознале

Кога Брижит била наставничка во приватно средно училиште во Франција, бла во брак и имала три деца. Еден од нејзините ученици бил и Емануел Макрон.

Се запознале во 1993-та, кога Брижит имала 39, а Емануел само 15 години. Возрасната разлика и фактот што била во брак не било пречка за Брижит на која почнал да ѝ се допаѓа нејзиниот ученик. Па, кога Емануел имал околу 16 години, тие почнале афера.

Семејството на Брижит дознало за бизарната афера следната година, кога Брижит го поканила Емануел во домот на нејзините родители и додека се сончале покрај базенот, мајка ѝ и татко ѝ ги затекнале.

Брижит добивала закани за аферата

Очекувано, врската на Брижит и Емануел предизвикала скандал. Нејзините родители почнале да добиваат заканувачки писма од локалци, барајќи од нив да преземат нешто.

Истовремено, соседите честопати плукале и фрлале со предмети пред домот на Брижит, додека нејзините пријатели престанале да зборуваат со неа.

Родителите на Емануел, пак, го испратиле да учи во Париз со надеж дека ќе стават крај на аферата. Но, ништо од ова не ги натерало да се разделат.

Разводот на Брижит траеше цела деценија

Првиот сопруг на Брижит бил банкарот Андре Луис Озиер и според некои извори, веста за аферата на неговата сопруга му била како „силна шлаканица“.

Веднаш почнале постапка за развод, но го финализирале дури по цел деценија, односно во 2006 година.

Додека траела постапката, Брижит продолжила да се гледа со Емануел, и покрај тоа што родителите го преместиле во училиште во Париз.

Иако Брижит се сомневала дека ќе сака да остане со неа, наводно Емануел секој петок трчал да го фати возот од Париз до Амиен, гратчето каде што живеела Брижит.

Продолжува на следната страница...