Скандалозно видео: Францускиот претседател Емануел Макрон доби удар од сопругата, пред да се симне од авион

Детали

понеделник, 26 мај 2025

Во вирално видео снимено викендов во Виетнам се гледа како првата дама на Франција го удира сопругот Емануел Макрон пред да излезат од авион. Претседателот на Франција изгледа збунето, а кога сфаќа дека вратата од авионот е отворена, веднаш почнува да им мавта на присутните и пробува да се насмее.

И покрај тоа што Брижит е скоро 25 години постара од Емануел Макрон, првата дама и претседателот на Франција тврдат дека имаат хармоничен брак.

Но, според ново видео кое веќе се споделува вирално, се чини дека и нив не им „цветаат рози“ во бракот.

На видеото снимено во неделата (25.05) се гледа авионот со кој Емануел и Брижит пристигнале во Ханој, Виетнам.

Како што маж ја отвора вратата од авионот, внатре се гледа Макрон и во еден миг се забележува како Брижит го удира на лицето.

Додека го удира, Брижит не е во кадар, но се гледа нејзината рака.

Макрон изгледа збунето, но штом забележува дека вратата е отворена, се насмевнува и почнува да им мавта на присутните.

Уште некоја минута се гледа како претседателот нервозно се движи во авионот, пред да излезат заедно со Брижит.

Од канцеларијата на Макрон прво изјавија дека видеото лажно, но веќе е потврдено дека сепак е веродостојно.

Познаник на францускиот претседател, пак, го опиша нападот на Брижит како „безопасен конфликт“, додека портпарол од Елисејската палата вели дека парот само се шегувал.

„Видеото е снимено во момент кога претседателот и неговата сопруга за последен пат се релаксираа пред почетокот на патувањето, со шега. Ова беше миг на блискост“.

Друг соработник на претседателот исто така тврди дека не станува збор за насилство:

„Ова е момент кога претседателот и неговата сопруга се шегуваат еден со друг пред почетокот на патувањето. Нема потреба да се хранат теориите на заговор“.

Сепак, јавноста не се согласува со овие изјави и додека некои кажуваат шеги на сметка на претседателот, други истакнуваат дека ова сепак е насилство.

„Семејно насилство“.

„Ако тој ја нападнеше неа на овој начин, досега ќе бараа да даде оставка“.

„Ако ова се појави во јавност, тогаш којзнае што му прави зад затворени врати“.

„Од изразот на неговото лице е јасно дека не станува збор за шега. Брижит е ужасна“.

Погледнете го видеото:

Спирова С. | Црнобело