Вирално видео: Жена во Турција „за влакно“ ќе беше удрена од трамвај, маж од обезбедување ја спасува

Детали

петок, 17 октомври 2025

На камера е уловен моментот кога жена тргнува по шините за трамвај, а маж од обезбедување ја повлекува кон себе и ја спасува од трагедија – сите се восхитени од неговите рефлекси.

BBC објави видео кое вирално се споделува, а направено е од безбедносни камери во турскиот град Кајсери.

На снимката се гледа како жена тргнува кон шините за трамвај и погледнува на десната страна, но не забележува дека од левата доаѓа трамвај.

Во буквално последна секунда, човек од обезбедување ја фаќа за рака и ја повлекува кон себе, со што ја спасува од огромна трагедија.

Oд операторот за транспорт, кој првично го објави видеото, му се заблагодаруваат на чуварот, а ги предупредуваат луѓето да ги користат исклучиво пешачките премини и да гледаат во двете насоки при преминување.

Се претпоставува дека жената имала слушалки во уши, па не успеала да ја слушне опасноста и напоменуваат дека слушалките можат да ве спречат да ја слушате околината и да доведе до опасност.

„Човекот од обезбедување заслужува медал“, „Ја спаси благодарение на неговото брзо размислување“ / „Неверојатни рефлекси, благодарност до чуварот што ја спаси, херој“ – гласат дел од коментарите.  

Погледнете го видеото:

M. M. | Црнобело