„Ќе се венчам сама со себе по развод и неколку неуспешни врски – си купив и свршенички прстен“

Детали

среда, 13 мај 2026

„Кога им кажав на блиските, мислеа дека сум полудела, што беше очекувано. Но, штом им објаснив, сфатија дека ова е најискреното нето што сум го направила“, раскажува 38-годишна Британка која по тежок развод и низа пропаднати врски одлучила да се венча сама со себе на Ибица.

Од разни причини, многу луѓе одлучуваат да останат сингл и воопшто не сакаат брак или семејство.

И, сè додека се среќни со својата одлука, нема ништо лошо во тоа.

Но, некои луѓе одат во крајности, како Британката Бони Локет која решила дури и да се венча самата со себе бидејќи била „разочарана од мажи“.

За Daily Mail, Бони вели дека за себе си купила свршенички прстен за кој одвоила над 20.000 долари, а свадбата ќе се одржи на Ибица.

Бони зад себе има еден брак, а на „венчавката“ со себе, која ќе се одржи на 29-ти мај, вели дека ќе ја носела истата венчаница.

„Се најдов во положба каде на 38 години сум разочарана од многу мажи. Има многу жени како мене кои биле разочарани од мажи и остаруваат без да добијат деца.

Нашиот биолошки часовник отчукува, а ние ниту сме во брак, ниту имаме сериозна врска. Сами сме. Па, си реков штом ќе бидам сама, тогаш ќе го одбележам тоа.

Јас самата не можам да се разочарам. Овој брак не може да заврши со развод“.

Иако Бони вели дека го прави вистинскиот избор, признава дека нејзините блиски сепак биле скептични, барем на почетокот.

„На почетокот мислеа дека сум полудела, што беше очекувано. Но, штом им објаснив, сфатија дека ова е најискреното нешто што сум го направила“.

Бони вели дека одлучила да се венча самата со себе по низа врски кои ѝ го скршиле срцето.

Таа раскажува за нејзин поранешен партнер со кој била 11 години во врска. Откако се венчале, издржале само девет месеци пред да се разделат.

„Искрено не знам како го преживеав тоа. Ми се сруши целиот свет и бев оставена сама на себе“.

По разводот, Бони се преселила на Ибица со нов партнер, но вели дека се соочила со истата ситуација.

Тие веќе планирале да купат и заедничка куќа, но се разделиле.

Па, на Бони ѝ останало да избере дали ќе се врати во родната Англија или ќе остане сама во туѓа држава.

„Денес имам 38 години и сама живеам во странство, во куќа што ја купив за мене и за мојот бивш партнер.

Но, искрено, никогаш не сум се чувствувала подобро. Доволна сум си за себе и сум горда на себе“.

Бони вели дека е свесна колку бизарно звучи тоа што сака да се венча со себе, но додава дека со ова си покажува почит кон себеси.

Исто така, вели дека сепак не се откажува ни од љубовта.

„Се немам откажано од љубовта, туку само целосно ги променив правилата. Нема да се разведам од себе за никој. Ако некој дојде во мојот живот, нема да ме замени мене, туку ќе ми се придружи.

И, ќе треба да исполни многу повисоки стандарди од порано. Не се откажувам до врските, туку само веќе одбивам да бидам во лоша врска“.

Што мислите вие за идејата на Бони да се венча сама со себе?

Спирова С. | Црнобело