„Станав полицаец откако очувот ја уби мајка ми – сега им помагам на жртви на семејно насилство“

Детали

недела, 30 ноември 2025

„Беше чудно кога гледав како очувот го изнесува полиција бидејќи ја удрил мајка ми. Тогаш бев дете и мислев дека ми е татко, уште го сакав“, раскажува полицаец од Англија кој по убиството на мајка му се фокусира на тоа да им помага на жртви на семејно насилство.

Мајк Тагарт од Англија имал само 15 години кога ја изгубил својата мајка. Ја убил неговиот очув, кој со години бил насилен кон неа.

Но, решил нејзината смрт да не биде залудна и токму ова го поттикнало да стане полицаец кој ќе им помага на другите жртви на семејно насилство пред да биде предоцна.

Мајк, кој денес има 43 години, ја споделува својата приказна за The Sun.

Тој работел на штанд за сладолед, кога му пришол полицаец за да му ги соопшти страшните вести.

„Ми рече ’Нема лесен начин да ги го кажам ова, но мајка ти е мртва‘. И, го имав најчудното чувство. Го удрив и му реков да престане да ме лаже“.

Неговиот шеф веднаш го однел дома, а по пат, Мајк дознал детали за убиството.

Убиецот бил неговиот очув Дерек Еванс. Ја прободел мајка му со нож дури 11 пати, пред да изврши самоубиство.

Дерек и мајка му Дона биле во брак околу 11 години – период исполнет со многу насилство. Само еден ден пред убиството, Дона му рекла дека сака развод.

Мајката на Дона била исплашена од реакцијата на Дерек, дури и ја предупредила откако ќе му каже за разводот, да не останува со него на само.

И, Дона ја послушала – пред да му ги соопшти вестите, веќе изнајмила друг стан. Но, Дерек ја следел до новиот стан каде и што ја убил.

Синот на Дона, Мајк, се присетува дека неговата баба како да претчувствувала дека ќе се случи нешто лошо:

„Отишла да ја провери мајка ми и забележала нешто на прозорецот уште пред да влезе внатре. Ѕирнала низ него и ја видела мајка ми на подот, со крв околу устата.

Една од сосетките беше медицинска сестра. Таа влегла внатре и ѝ кажала на баба ми дека е мртва. Очувот лежел до неа, но уште бил жив.

Медицинската сестра ја посоветувала баба ми да не влегува внатре, за да не ја види. Ја избодел 11 пати – по еднаш за секоја година што беа во брак. На телото на мајка ми немаше знаци дека се бранела, Веројатно умрела веднаш.

Потоа се исекол самиот, но не си нанел сериозни повреди. Се сеќавам тогаш кога го носеа во болница, сите само посакавме да умре. Знам, не е добра помисла, но така се чувствуваме. Но, потоа сакавме да преживее за да се соочи со она што го направи“.

Мајк вели дека насилството било често во нивниот дом, а првпат повикале полиција кога имал само шест години.

„Чичко ми го нападна Дерек (очувот) бидејќи ја удрил мајка ми. Тогаш јас и сестра ми не знаевме. Соседите повикале полиција.

Со сестра ми седевме на скалите додека гледавме како го изнесуваат полицајци. Беше страшно. Бевме свесни дека нешто не е во ред, но сепак го гледавме како татко. Тогаш уште го сакавме“.

Продолжува на следната страница...