Алекс танцува во фустан на Џеј Ло - Познатиот пар го направи предизвикот Flip the Switch (видео)

Детали

вторник, 10 март 2020

Џенифер Лопез и Алекс Родригез го прифатија најновиот предизвик од социјалните мрежи, познат како Flip the Switch.

За предизвикот потребни се двајца. Едниот од нив треба да танцува додека другиот снима, а потоа треба да си ги променат улогите – оној којшто снимал сега ќе танцува, и обратно.

Во видеото што го објави Џеј Ло, таа носеше тесен бел фустан и големи златни алки и танцуваше. Снимателот беше Алекс.

Откако ја направија промената, Алекс го носи фустанот на Џеј Ло, а пејачката снима носејќи ја неговата облека.

Алекс го објави видеото на TikTok кратко после честитката за 8-ми март, во која се наоѓаа сите жени од неговиот живот – Џеј Ло, ќерката Еме и ќерките на Алекс, Наташа и Ела.

„Благословен сум што имам толку прекрасни жени во мојот живот“, стоеше во описот на фотографијата.

Подоцна, Алекс го објави видеото и нa Instagram:

Спирова С. | Црнобело