Кендал Џенер страда од анксиозност - причината зошто избегнува големи настани

Детали

понеделник, 18 мај 2020

„Памтам дека бев многу мала, се сеќавам дека не можев да земам воздух и да дишам и како со трчање одам кон мајка ми“ - раскажува Џенер.

Менталното здравје е навистина популарна тема на разговор, особено за време на пандемијата со ковид-19.

Кендал Џенер откри дека уште од малечка се борела со панични напади и анксиозност.

Иако ни изгледа дека има совршен живот, факт е дека анксиозноста е честа состојба кај ѕвездите.

Нејзиното семејство многу и помогнало полесно да се справува со паничните напади и со време започнала да добива професионална помош.

„Мамо, не можам да дишам. Нешто сигурно не е во ред.“

Нејзините родители ја носеле на еден куп доктори и испитувања, но физички, сè било во ред.

Кендал вели: „Никој никогаш не ми кажа дека страдам од анксиозност. Ми се појави повторно пред 3-4 години. Сега конечно знам како да се справувам со паничните напади.“

Кендал уште пред пандемијата сѐ почесто беше отсутна на големи настани со гужви – Мет Галата, модни недели...

„Почнав да станувам навистина нервозна особено за време на модните недели. Пробувам некако да се фокусирам на пистата и си велам „Само оди право, само оди исправено!“

Како се справува со анксиозноста?

Честопати одмора покрај плажа или на базен. Практикува често и медитација, а во слободно време чита многу книги.

Е. П. | Црнобело