„Подобро е да бидеме пријатели“ – Џеј Ло и Алекс Родригез го потврдија раскинувањето

Детали

четврток, 15 април 2021

По многуте гласини за проблемите во нивната врска, Џеј Ло и Алекс Родригез соопштија дека навистина ја раскинале свршувачката.

После едвај две години од нивната свршувачка, Џеј Ло и Алекс Родригез со заедничка изјава соопштија дека ѝ ставиле крај на нивната врска:

„Сфативме дека е подобро да бидеме пријатели и се надеваме дека ќе останеме. Ќе продолжиме да работиме заедно и да се поддржуваме во заедничките бизниси и проекти. Еден на друг, но и на нашите деца им го посакуваме најдоброто. Од почит кон нив, единственото друго нешто што сакаме да го кажеме е дека сме им благодарни на сите за добрите зборови и поддршката“.

Гласините за разделбата на познатиот пар започнаа пред неколку недели, а тогаш и двајцата ги негираа. Извори блиски до парот тврдеа дека имале проблеми во врската, но не се разделиле.

Во периодот кога почнаа гласините Џеј Ло беше во Доминиканска Република, а за да ѝ докажат на јавноста дека уште се заедно со Алекс, тој дури и ја посети таму.

Џеј Ло и Алекс ја почнаа врската во 2017-та, а се верија во 2019-та. Откако ја одложија венчавката поради пандемијата, пејачката сподели дека и двајцата сфатиле дека не им се брза и можеби никогаш нема да стапат во брак.

Пред разделбата, парот живееше заедно со нивните деца од претходните бракови. Џенифер Лопез има две деца – 13-годишните близнаци Макс и Еме. Исто така, и Алекс има две деца – 12-годишната Наташа и 12-годишната Ела.

Спирова С. | Црнобело