Бившата сопруга на Том Круз, Кејти Холмс во „неуредно“ издание – им се враќа на старите навики

Детали

четврток, 21 октомври 2021

Поранешната сопруга на Том Круз, Кејти Холмс со кого таа ја има 15-годишната ќерка Сури, деновиве беше забележана низ улиците на Бруклин во тренерки, без шминка и со излупен лак на ноктите, додека скришно им се враќа на старите навики.

Кејти Холмс (42) често се појавува во природни изданија, но овојпат папарацо фотографите ја „уловија“ во неуредно издание, со несредена коса, подочници и излупен лак на нокти.

Според Daily Mail, Кејти со автомобил заминала од домот на Менхетн до затскриено место во Бруклин, за да може а мир да им се препушти на старите навики, подалеку од очите на нејзината ќерка.

Сепак и тоа што се појави во видно неуредно издание со тегет дуксер и тренерки, излупен лак на ноктите и црвена капа, не ги спречи папараците да ја препознаат актерката која во минатото беше во брак со Том Круз.

Иако се обидувала да се сокрие, облечена во тренерки, капа и со маска на лицето, сепак фотографите ја уловиле Кејти додека пушти цигара.

Кејти долги години наназад се обидува да се откаже од пушењето цигари, а уште додека беше во брак со Том Круз, таа јавно изјави дека се откажала од цигарите на барање на нејзиниот сопруг затоа што нему мошне му пречела оваа нејзина зависност.

Сепак, во текот на годините Кејти повторно беше забележана како скришно повторно им се навраќа на старите навики.

Таа во минатото велеше дека не може во целост да се откаже од цигарите поради стресот. 

Инаку, актерката за сопствениот изглед се грижи самата и најчесто не ангажира стилист, но секогаш изгледа средено и стилски на црвениот тепих, па токму затоа ги остави во неверување сите со „запуштениот“ изглед.

Инаку Кејти и Том се разведоа во 2012-та година по 6 години брак. Том Круз за последен пат бил виден со нивната ќерка Сури во 2013-та година, а оттогаш наваму воопшто не сака да ја види, затоа што тоа не му го дозволува неговата скиентолошка црква.

Прочитајте и Том Круз не ја видел својата ќерка од дете – како изгледа Сури (15) денес?

Б. С. Б. | Црнобело