Адел објави емотивни разговори со синот (9) за разводот: „Зошто веќе не го сакаш татко ми?“
- Детали
- среда, 17 ноември 2021
Адел во новата хип-хоп песна ги пее стиховите: „Жалам што направив грешки поради кои си тажен“, а по ова следи аудиоснимка од разговорите со синот Анџело (9), во кои тој ја теши, иако е збунет од тоа што не живеат заедно со татко му.
Интимни разговори помеѓу Адел (33) и нејзиниот 9-годишен син Анџело кого го доби во бракот со Сајмон Конеки (47) ќе бидат вклучени во песната My Little Love во новиот албум насловен 30 што ќе биде објавен на 19-ти ноември годинава.
Аудиоснимките што се вклучени во песната се од разговорите што Адел ги водела со нејзиниот син за време на разводот со Сајмон, а во нив може да се слушне како малиот Анџело ја теши мајка си во најтешкиот период во нејзиниот живот.
Адел во песната ги пее стиховите: „Жалам што направив грешки поради кои си тажен“, а по ова следи аудиоснимка од разговорите со Анџело.
„Кажи ми дека ме сакаш“ – вели Адел, а синот одговара:
„Те сакам милион отсто. Знам дека и ти ме сакаш.“
„Знаеш дека мама не сака никој друг како што те сака тебе. Нели?“ – вели таа и додава:
„Мама се бори со многу силни чувства во последно време. Збунета сум и не знам што правам...“
Во друга аудиоснимка Адел му вели на малиот Анџело:
„Го сакам татко ти, затоа што тој ми те даде тебе“.
Според најавите My little Love е хип-хоп песна и е досега најексперименталната песна на Адел. Светски познатата пејачка се разведе со Сајмон Конеки во 2019-та година по две години брак.
Таа веќе во неколку наврати говореше дека разводот ѝ бил главна инспирација за да ги напише дванаесетте песни што се опфатени на новиот албум.
Адел во интервју за Vogue веќе говореше за тоа како нејзиниот син го прифатил разводот со неговиот татко, па велеше дека поставувал прашања од типот:
„'Зошто не можеме да живееме заедно?', ‘Луѓето не прават така кога ќе се разведат’ – му велам. 'Но, зошто?' А, јас, едноставно не знам што да му кажам. Така не е вообичаено во општеството.
‘Зошто не го сакаш повеќе татко ми?’ – а јас ќе му одговорам: ‘Го сакам татко ти, само не сум вљубена’. Не знам како да му го објаснам тоа на 9-годишно дете.“
Во пресрет на објавувањето на новиот албум Адел објави и фотографии на Инстаграм на кои се гледа како се забавува по повод нејзиниот најнов проект во краток мини фустан.
„Коктели и плачење насекаде“ – напиша таа до фотографиите.
Прочитајте и Адел се отвори кај Опра: „Престанав да пијам бидејќи алкохолот го уништи татко ми, срам ми е што бракот ми се распадна“
Б. С. Б. | Црнобело
Би можело да ве интересира:
Препорачуваме
Најчитани неделава
