Канје Вест со две нови девојки по романсата со 22-годишниот модел – дали ја преболе Ким Кардашијан? (фото)

Детали

понеделник, 03 јануари 2022

Околу 2 месеци по состанокот со 22-годишниот модел, Канје Вест беше забележан на романтична вечера со актерка, но и со мистериозна девојка во хотел во Мајами – дали конечно ја преболе бившата Ким Кардашијан?

Иако Канје Вест неколкупати јавно побара од Ким да му се врати, на раперот несомнено му годи сингл статусот.

Во еден ден, Канје беше забележан со две различни девојки, само околу два месеци откако беше на кошаркарски меч со 22-годишниот модел Винетриа.

44-годишниот рапер беше фотографиран на балкон во Мајами веднаш по Нова година, заедно со црнокоса девојка. Сепак, Канје и девојката стоеја оддалечени еден од друг и не ни разговараа, па се претпоставува дека станува збор само за пријателка.

Но набрзо потоа, на балконот се појави уште една девојка со раскопчана кошула, за која веќе се шпекулира дека можеби е новата избраничка на Канје.

Не е познат идентитетот на ниту една од девојките.

Истата вечер Канје беше во ресторан во Мајами, овојпат со друга девојка – 31-годишната актерка Џулија Фокс.

Иако според папарацо фотките изгледа како парот да е на романтична вечера, извори блиски до Канје тврдат дека не станува збор за ништо сериозно.

Веројатно Канје уште ја нема преболено бившата сопруга Ким, бидејќи пред само неколку недели побара од Ким да му се врати додека настапуваше со Дрејк.

Но, следниот ден Ким поднесе барање легално да си го промени брачниот статус во сингл.

Сепак, изгледа раперот почнува да се помирува со ситуацијата, а извори блиски до него тврдат дека периодов е навистина среќен.

Во меѓувреме, Ким Кардашијан се гледа со 28-годишнит Пит Дејвидсон, а според нивни пријатели, врската има потенцијал да стане навистина сериозна.

Ким поднесе барање за развод од Канје на почетокот од минатата година, по шест години брак. Заедно имаат четири деца.

Прочитајте повеќе: Канје Вест (44) си „фати“ 22-годишна девојка - заедно беа на кошаркарски меч, по скандалите (фото)

Спирова С. | Црнобело