„Тука сум за да ти ја носам чантата“ – Како 17 години постариот дечко на Алесандра Амбросио јавно ја искажува љубовта?

Детали

вторник, 04 јануари 2022

„Секогаш сум тука да ти го носам мобилниот“, „Благословен сум што те имам“, „Те сакам затоа што си искрена и оригинална“. Вака 17 години постариот дечко на Алесандра Амбросио постојано ѝ изјавува љубов на социјалните мрежи.

Алесандра Амбросио (40) новогодишните празници ги помина во Бразил, а беше „уловена“ од папараци како ужива на плажа со пријателите, но и со нејзиниот 17 години повозрасен дечко Ричард Ли (57).

Познатата манекенка во минатото ги крадеше воздишките додека ги носеше моделите на светски познатиот бренд Victoria’s Secret, а во последната година речиси редовно ја гледаме заедно со нејзиното 17-годишно момче Ричард Ли со кого се заедно една година.

Ричард е поранешен топ-модел, кој иако е во шестата деценија од животот, сè уште ги краде воздишките кај женската популација со своето извајано тело и одличниот изглед.

Како што можевме да видиме на нејзиниот Инстаграм профил, Алесандра божиќните празници ги помина со децата Ања (12) и Ноа (8) кои ги има од бракот со бизнисменот Џејми Мазур, а новата година ја дочека со дечкото и пријателите.

Ричард и Алесандра не се одлепуваат еден од друг, а тој на својот Инстаграм профил речиси редовно објавува фотографии до кои јавно ѝ искажува љубов на убавата манекенка.

„Тука сум да ти го носам телефонот. Ти си најдобра“ – напиша тој до фотографијата на која се гледа дека се заедно на настан, а Алесандра веднаш му вратила во коментар со пораката: „Те сакам“.

Алесандра e домаќинка на шоуто The Cut на HBO, а Ричард на Инстаграм ја пофали и кажа дека се гордее со неа:

„Таа вработи тутор и постојано ги повторуваше сценаријата и пак најде време да оди во теретана и да се дружи со семејството и со пријателите и да ми биде туристички водич низ Бразил.

Се воодушевувам на нејзината посветеност и работна етика. Таа е вистински професионалец и беше љубезна со сите на снимањето.

Беше мошне искрена и оригинална, а тоа се нејзините најпривлечни особини. Ти си прекрасна. Благословен сум што го делиш твојот свет со мене. Те сакам“ – напиша Ричард.

Прочитајте и „Ме гушкаш и кога сум неистуширан“ – Кој е новиот, 17 години постар дечко на Алесандра Амбросио?

Погледнете повеќе нивни фотографии во продолжение:

Б. С. Б. | Црнобело