Блу Ајви на Бијонсе и Џеј Зи наполни 10 години – како изгледа денес? (фото)

Детали

недела, 16 јануари 2022

„Мојата убава, талентирана и супер паметна внука Блу Ајви денес наполни 10 години! Блу е мојата мала близначка Јарец. Се молев да се роди на мојот роденден, но таа го направи тоа кога беше подготвена три дена подоцна. Но, сепак ја делиме врската“ -  ваква честитка ѝ упати бабата на Блу Ајви, Тина Ноулс односно мајката на Бијонсе.

Тешко е да се поверува дека Блу Ајви наполни 10 години. Според изворите, Блу Ајви е малку дрска, енергична и знае точно што сака.

Мама Бијонсе ѝ дозволува да оди на снимања со неа, како и на различни манифестации кои вклучуваат доделување награди. Тие имаат многу посебна врска.

Блу Ајви Картер (родена на 7 јануари 2012 година) е првородената ќерка на Бијонсе и Џеј Зи.

Од самото раѓање, нејзиниот живот е во центарот на вниманието. Два дена по нејзиното раѓање, Тајм ја нарече Картер „најпознатото бебе на светот“.

Еве како изгледаше Блу Ајви во текот на годините до денес:

Прочитајте и Номинација за Греми, талент за шминкање – што сè има постигнато ќерката на Бијонсе до 9-иот роденден?

(О)Милена | Црнобело