Анџелина Џоли е пилот и уште 7 познати личности со скриени таленти

Детали

сабота, 05 февруари 2022

Стрелаштво, тетовирање, „голтање“ оган – некои познати личности имаат таленти за кои сигурно не сте слушнале дека ги поседуваат.

Најпознатите луѓе на планетата се или музичари, или актери, а некои од нив спаѓаат и во двете категории. Сепак, голем дел од нив имаат и други таленти покрај глумата или музиката.

Кои се скриените таленти на познатите личности?

Џина Дејвис

Џина Дејвис е толку добар стрелец, што дури сакала да се натпреварува на Олимписките игри во 2000 година.

Иако не успеала да се квалификува, актерката до денес активно го практикува омилениот спорт.

Најинтересно во целата ситуација е што Џина почнала да се занимава со спортот по 40-тата година од животот.

Анџелина Џоли

Знаевте ли дека Анџелина Џоли е и пилот?

Актерката посакала да научи да лета само поради нејзиниот син Медокс, кој отсекогаш покажувал огромен интерес за авиони. Таа ја доби дозволата за летање кога Медокс имаше 3 години, а тој период изјави:

„Ако научам да летам додека да наполни 4 години, сигурна сум дека ќе ме гледа како Супермен“.

Денес и Медокс е пилот, а научил да лета со помош на Џоли.

Пирс Броснан

Пред да стане Џејмс Бонд, Пирс Броснан бил артист во циркус, а неговата точка била „голтање“ оган.

Актерот три години бил дел од циркус, а одвреме-навреме знае да се пофали со неговата вештина и додека гостува во емисии.

Џастин Бибер

Познатиот пејач има навистина необичен талент – може да реши Рубикова коцка за помалку од две минути.

Слично како Броснан, и тој понекогаш сака да се пофали со оваа вештина.

Кира Најтли

Кога гостуваше во шоуто на Греам Нортон, Кира Најтли откри дека може да „свири“ на нејзините заби.

Се разбира, актерката го демонстрираше нејзиниот талент во интервјуто.

Кејт Мидлтон

Војвотката од Кембриџ свири пијано, и тоа навистина добро.

Кејт го покажа нејзиниот талент со настап на специјален божиќен концерт на крајот од 2021 година кој се одржа во Вестминстер Аби во Лондон.

Марго Роби

Покрај тоа што е одлична актерка, Марго Роби е и тату-артист. Но, актерката нагласува дека е само аматер, како и дека не е многу добар артист.

Таа откри дека порано ги тетовирала нејзините пријатели, но престанала откако им направила неколку ужасни тетоважи.

Сепак, неколку познати личности, како колегите од Suicide Squad и Кара Делевињ, ѝ дозволиле да им направи минијатурни тетоважи.

Кристофер Вокен

Исто како Пирс Броснан, и Кристофер Вокен бил дел од циркус, а таму работел како тренер на лавови.

„Влегував во кафезот и лавовите ги слушаа моите команди – седнуваа како кучиња. Навистина ги сакам мачките, тие се одлично друштво“, изјави актерот за неговата поранешна професија.

Спирова С. | Црнобело