Чудни трикови за убавина за кои славните жени тврдат дека се ефикасни

Детали

сабота, 07 мај 2022

Никол Кидман е позната по својата сјајна коса, која вели дека ја одржува со пијалаци. Таа верува дека за црвената коса е најдобро да се користи сок од брусница, додека русата коса најдобро се измива со шампањ.

Постојат еден тон чудни, но наводно ефикасни трикови за убавина кои славните веќе ги испробале, а очигледно функционираат штом редовно ги користат.

Сепак, не е препорачливо и вие да ги пробувате овие трикови бидејќи можат да предизвикаат несакани последици, а и повеќето не се одобрени од професионалци. 

Кои се чудните трикови за убавина на славните?

1. Лејди Гага верува дека фејслифтинг најдобро се прави со самолеплива лента. Самолепливата лента обично ја лепи на работ од самото лице, на границата со косата. Таа смета дека затегањето на кожата на овој начин ја прави помладолика.

2. Кејт Хадсон верува дека лицето треба да се потопува во сад полн со вода и коцки мраз, на интервал од неколку секунди.

3. Камерон Дијаз ги лечи црвенилото и воспалението од акните со капки за очи, односно вештачки солзи.

4. Клои Грејс Морец го чисти лицето со маслиново масло, наместо со скапи препарати.

5. Карди Би го бричи лицето пред да нанесе шминка, односно ги отстранува ситните влакненца и прави пилинг.

6. Шејлин Вудли нанесува шампон на косата само еднаш месечно.

7. Салма Хајек не го мие лицето наутро. Тој ритуал го практикува исклучиво навечер, бидејќи нејзината баба ја научила дека кожата се регенерира додека спиеме, па ако се измиеме веднаш наутро, сите маснотии кои ја регулираат pH вредноста - се отстрануваат.

8. Марго Роби ги негува усните со крем против бебешки иритации, наместо со балсам за усни.

9. Никол Кидман е позната по својата сјајна коса, која вели ја одржува со пијалаци. Таа верува дека за црвената коса е најдобро да се користи сок од брусница, додека русата коса најдобро се измива со шампањ.

М. Д. | Црнобело