Алек Болдвин (63) откри дека ќе стане татко по осми пат, само 5 месеци по случајното убиство на колешката (фото+видео)

Детали

среда, 30 март 2022

„Ова е целосно изненадување и светла точка во нашите животи“ – рече Хиларија Болдвин во видеото во кое најави дека таа и Алек ќе станат родители по седми пат. Алек има уште една ќерка од претходниот брак со Ким Бесинџер.

Алек Болдвин (63) и Хиларија Болдвин (38) најавија дека ќе станат родители по седми пат, само пет месеци по трагичната несреќа која заврши со убиство на кинематографката Алина Хачинс за време на снимањето на филмот Rust.

Само неколку месеци по фаталното пукање за време на снимањето на филмот Rust, во кое Алек Бoлдвин ненамерно ја усмрти кинематографката Халина Хачинс (42), сопругата на актерот - Хиларија, на Твитер објави кратко видео во кое најави дека парот наскоро ќе го добие седмото дете.

Според Хиларија, новото дете ќе биде новата „светла точка во нивните животи“.

„По многу воздигнувања и падови во последните неколку години имаме едно возбудливо воздигнување и големо изненадување: уште еден член на семејството Болдвин ќе дојде оваа есен“ – напиша Хиларија.

Хиларија пред да се породи со нејзиното петто дете Еду имаше два спонтани абортуси, па рече дека не очекува повторно да стане мајка, а вели дека вестите за новиот седми член во семејството биле целосно изненадување.

За потсетување, шестото дете, Алек и Хиларија го добија со помош на сурогат мајка.

„Бевме во целост сигурни дека нашето семејство е целосно и навистина сме мошне среќни заради ова изненадување. Го споделувам со вас моментот кога им кажавме на децата – како што можете да видите, тие се мошне возбудени“ – рече Хиларија.

Алек Болдвин и Хиларија се во брак од 2012-та година, а заедно имаат шест деца: Кармен Габриела (8), Рафаел (6), Леонардо (5), Ромео (3), Еду (1) и Лучиа (1).

Болдвин исто така има ќерка од претходниот брак со Ким Бесинџер, Ирланд Болдвин (26).

Прочитајте и Има опсесивно-компулсивно нарушување, првата жена го оставила заради алкохолизам - Факти за Алек Болдвин

Погледнете го видеото на Хиларија во продолжение:

https://www.instagram.com/tv/Cbsl3v5j69D/?utm_source=ig_web_copy_link

Б. С. Б. | Црнобело