„Не сакам да сум сопруга, туку девојка“: Шакира и уште 4 славни кои не сакаат да стапат во брак

Детали

недела, 25 август 2024

Шакира никогаш не била во брак, а Џејн Фонда смета дека сама може да направи повеќе… Некои од познатите личности откриваат зошто веќе не сакаат да одат на љубовни состаноци или да стапат во брак.

Јавноста отсекогаш била заинтересирана за љубовните животи на познатите, со кого се во врска или во брак.

Но, и покрај тоа што гледаме како јавните личности повеќепати стапуваат во брак и (бргу) се разведуваат, некои од нив претпочитаат да останат сами.

Некои славни личности изјавиле дека веќе не сакаат да одат на љубовни состаноци или да стапуваат во брак - ова се нивните изјави:

Шерон Стоун

„Завршив со одење на состаноци. Имав проблеми со запознавање затоа што, едноставно, сметам дека луѓето се неискрени и не вреди да си го трошам моето време.

Повеќе уживам кога сум сама и во времето со моите деца и пријатели. Не ми треба уште едно дете“.

Бил Махер

Актерот, кој глумеше во Young Sheldon, никогаш не бил во брак. Тој во една прилика изјавил:

„Не разбирам како можете да бидете со истата личност ден по ден, месец по месец, година по година. Едноставно не го разбирам тоа“.

Џејн Фонда

„Не сакам повеќе да бидам во врска, во сексуална врска. Ја немам таа желба“ - е една од попознатите изјави на актерката.

Во друга пригода, таа изјавила:

„Кога сум сама, можам да направам многу повеќе“.

Шакира

Шакира никогаш не била во брак. Во една прилика изјавила:

„Да ви кажам искрено, бракот ме плаши многу. Не сакам тој да ме гледа како сопруга. Претпочитам да ме гледа како своја девојка“.

Челзи Хендлер

„Имав многу момчиња, еден или два предлози за брак. Откако го доживеав сето тоа и сериозно размислував за брак, претпочитам во ресторанот на животот да резервирам маса само за еден“.

М. Ѓ. | Црнобело