Фановите се шегуваат за „најискинатите фармерки на светот“ на Ким Кардашијан – чинат 5.900 евра (фото)

Детали

четврток, 07 април 2022

Фармерките што ги носи Ким Кардашијан на најновата Инстаграм објава се целосно искинати, а покрај критиките зa моделот, јавноста е зачудена и од нивната цена – неверојатни 5.900 евра.

Ким Кардашијан предизвика лавина реакции со последната објава на Инстаграм благодарение на нејзиниот аутфит.

41-годишната ријалити ѕвезда сподели неколку фотки на кои носи корсет во комбинација со можеби најискинатите фармерки што сте ги виделе досега.

Фармерките се целосно искинати, освен на рабовите на ногавиците и горниот дел каде што се закопчуваат.

А, она што најмногу ја изненади јавноста е нивната цена – вртоглави 5.900 евра.

Додека некои фанови се воодушевени од аутфитот на Ким и имаат само комплименти, многумина ја искористија можноста да се пошегуваат.

„Не знам дали ти кажал некој, но мислам дека ти се скинати фармерките“.

„Што мислите, колку време ѝ требало да ги облече фармерките?“

„Зарем немаш пари да си купиш добри фармерки?“

„Колку е само тешко да се облечат овие фармерки…“

„Сигурно соблекувањето е уште потешко“.

„Ким, не. Што е со овој аутфит?“

Во коментарите има и шеги за описот на објавата за кој многумина велат е бесмислен и нема никаква поврзаност со фотките.

„Зборувај помалку и кажи повеќе“, напишала Ким.

Пред само некој ден, Ким повторно беше критикувана за скапите Balenciaga влечки кои чинат 410 евра.

Спирова С. | Црнобело