„Ријана плус 1“ – Ексклузивни фотки и интервју за Vogue во последното тримесечје од бременоста

Детали

вторник, 12 април 2022

„Кога останав бремена си ветив дека нема да купувам облека од одделот за трудници“ - Ријана која во моментов го очекува своето прво дете со Ејсап Роки во изминатиот период честопати беше мета на критики заради начинот на облекување, а сега откри повеќе детали за љубовта и за мајчинството.

Во екслузивно интервју за мајското издание на магазинот Vogue илустрирано со фотографии од неповторливата Ени Лебовиц, убавицата од Барбадос открива како се чувствува додека со нетрпение го очекува најновиот член во семејството, а како што вели сè уште ниту самата не може да поверува дека е бремена.

„Додека сè се случува како ништо да не се случува. Понекогаш поминувам покрај огледалото и кога ќе си го погледнам одразот се збунувам“ – вели Ријана за својот труднички стомак.

Посебен дел од интервјуто е посветено на модниот стајлинг на Ријана од изминатите месеци, па и на критиките затоа што постојано се шета разголена.

„Кога дознав дека сум бремена си помислив: нема шанси да купувам облека во одделот за трудници. Се извинувам, но премногу е забавно да се дотераш, нема да дозволам тоа да се смени затоа што моето тело се менува.

Се надевам дека успеавме да ја промениме претставата за тоа што е пристојна облека за трудници. Моето тело минува низ неверојатни промени и нема да се срамам од тоа. Сакам да славам. Зошто би требало да ја кријам бременоста?“ – прашува таа.

За Ејсап Роки таа вели дека е љубовта на нејзиниот живот, а дека долго време им требало нивното пријателство да прерасне во голема љубов.

„Кај мене многу тешко е да излезете од зоната на пријатели. Навистина ми требаше многу време за да прифатам дека добро го познавам и дека тој добро ме знае затоа што заедно можеме да нaправиме многу ‘бељи’“ – вели таа и додава дека за време на карантинот конечно нивното пријателство пораснало во романтична врска.

Додава дека Ејсап Роки успеал да ја освои и нејзината мајка, која во минатото во голема мера го критикувала изборот на мажи на пејачката.

Во однос на породувањето Ријана открива дека се надева дека ќе може да го дои детето, а најмногу се плаши од помислата за постпородилна депресија.

„Секогаш мислев дека прво ќе се омажам, па потоа ќе имам бебе, но кој вели дека мора да биде така? Сигурно нема да дозволам тоа да ме спречи да бидам мајка“ – вели таа.

Погледнете уште неколку фотографии во проодолжение направени за Vogue:

Погледнете видео од фото-сесијата:

/

Б. С. Б. | Црнобело